Po vjen drejt fundit, dhe kjo konfirmohet tani edhe nga figura të larta të klubit parisien.
Drejtori sportiv i Paris Saint-Germain, Leonardo, ka zbuluar se Mbappe dëshiron largimin nga klubi pas katër vitesh.
Përkundër që gjatë gjithë verës PSG ishte e bindur që Mbappe nuk do të largohet, gjithçka ka ndryshuar në këto momente.
“Kylian Mbappe dëshiron t’i bashkohet Real Madrid-it”, thotë Leonardo.
“Ne nuk do ta ndalojmë, askush nuk qëndron në klub nëse nuk ka dëshirë”.
“I thamë jo ofertës së parë të Madrid-it. Mbappe do të largohet, por vetëm nëse kushtet tona pranohen”.
Ai thotë që “Mbappe gjithmonë na ka premtuar që nuk do të largohet si transfer i lirë”.
Kjo deklaratë e fundit do të thotë që PSG është e detyruar ta shesë futbollistin, pasi ai nuk dëshiron që të rinovojë kontratën me klubin.
“I bëmë dy oferta të mëdha Mbappe-s”, vazhdoi Leonardo, “gjithmonë dëshiruam t’i tregojmë se është qendra e projektit tonë”.
“Ne krijuam një ëndërr këtë verë, nuk do ta lëmë askënd që ta shkatërrojë atë”.
Sa i përket ofertës së parë, ai e konsideron të “papranueshme” dhe “ilegale”.
“Duket si një strategji e Real-it që t’i tregojnë Mbappe-s se e duan, ta marrin “jo”-në nga ne dhe të presin që vitin tjetër ta marrin me zero euro”.
“Oferta e Real-it është larg nga ajo çfarë ne dëshirojmë. Është më pak se çfarë paguajtëm ne në vitin 2017”.
Ai thotë që “nuk do të flasin me Real Madrid-in përsëri”.
“Afati i fundit është 31 gushti”.
“Mbappe nuk do të largohet për më pak se çfarë ne i paguajtëm Monaco-s, 180 milionë euro. Tani Real Madrid-i e ka në dorë”.
Në mënyrë që Real Madrid-i të sigurojë shërbimet e Mbappe-s, duket se oferta e tyre do të rritet me 20 milionë euro.
Kur kanë mbetur edhe pesë ditë deri në fund të merkatos, Kylian Mbappe është më afër Real Madrid-it se asnjëherë më parë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com