Presidenti i Barcelonës, Joan Laporta, shpreson të zgjasë kontratën me mesfushorin e ri Gavi, kontrata e të cilit skadon në verën e ardhshme.
“Ne jemi optimistë”, tha Laporta. “Ne duam që Gavi të vazhdojë te Barcelona.
Gavi, 17 vjeç, bëri 34 paraqitje në ligë për Barcelonën këtë sezon të kaluar dhe u bë golashënuesi më i ri i Spanjës, pasi shënoi kundër Republikës Çeke në një barazim 2-2 në Ligën e Kombeve fundjavën e kaluar.
“Jemi afër arritjes së një marrëveshjeje”, tha Laporta. “Është më e veçantë për ne, sepse ai vjen nga radhët tona të të rinjve. Ne duam që Gavi të qëndrojë. Ai dhe agjenti i tij e duan gjithashtu”.
Ndërkohë, anësori Ousmane Dembele, i cili është objektiv i Paris Saint-Germain dhe Chelsea, nuk i është përgjigjur një oferte nga Barcelona me kontratën e tij që i skadon këtë muaj.
“Ousmane kishte një ofertë rinovimi nga ne dhe nuk kemi asnjë lajm nëse ai do ta pranojë atë”, tha Laporta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
