Këngëtarja shqiptare me famë botërore, Dua Lipa ishte sërish në krye të formacionit të mediave botërore këtë fundjavë, për festivalin e saj “Sunny Hill” që u mbajt në Prishtinë.
Lipa gjatë së premtes, mori titullin “Ambasadore Nderi” në Kosovë nga presidentja Vjosa Osmani për shkak të përfaqësimit dhe kontributit të saj.
“Lipa, vajza e prindërve shqiptarë të Kosovës, u nderua në një ceremoni të mbajtur të premten nga presidentja Vjosa Osmani, e cila vlerësoi punën humanitare të këngëtares si në Kosovë ashtu edhe jashtë saj”, shkruan “The Rolling Stones”.
Ndërkaq, presidentja e shtetit e ka falënderuar Lipën, për gjithçka që ka bërë për vendin duke thënë se “përveç të qenit një këngëtare e klasit botëror ju jeni gjithashtu një model për shumë vajza dhe gra në mbarë botën si një aktiviste e sinqertë dhe e ndërgjegjshme”.
“Por mbi të gjitha, ajo që keni bërë për popullin e Kosovës, në ngritjen e vetëdijes për Republikën e Kosovës është e pakrahasueshme dhe me të vërtetë e paçmueshme”, ka thënë mes tjerash Osmani.
Nga ana tjetër, Lipa u shpreh se “është një nder dhe një privilegj të jem në gjendje të përfaqësoj vendin tim në të gjithë botën dhe të vazhdoj punën dhe përpjekjet e mia globalisht për të parë që ne të lëmë gjurmët tona dhe të bëjmë një ndryshim”.
Ndër porositë e saj të para si ambasadore nderi ishte: lobimi për liberalizimin e vizave për qytetarët e Kosovës, një kauzë për të cilën këngëtarja mbrojti gjatë gjithë Festivalit “Sunny Hill” që ajo dhe babai i saj, Dukagjin Lipa, e themeluan në vitin 2018.
“Sot i bashkohemi zërave botërorë për të kërkuar ndihmën e miqve tanë evropianë për liberalizimin e vizave për qytetarët e Kosovës”, ka shkruar Lipa. “Ndërsa BE-ja vendos kufijtë rreth lirisë sonë, ne do të mbajmë aspiratat tona për t’u çliruar”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
Amerika autorizon Ukrainën të godasë Krimenë me raketa me rreze të gjatë
-
Edhe Britania e do Asociacionin sa më shpejt që të jetë e mundur