PSG: Parizienët kanë hedhur sytë nga francezi i Manchester United-it, Poul Pogba. Mesfushori 27-vjeçar, pritet të largohet së shpejti nga djajt e kuq. Pogba mund tu kushtojë deri në 70 milionë euro parizienëve. Juventus-i dhe Real Madrid-i gjithashtu mbeten të interesuara për të marrë shërbimet e Pogba-s.
Arsenal: Mikel Arteta i ka kërkuar klubit një portier të ri, sipas asaj që raporton Goal.com. Bernd Leno mbetet gjithmonë preferenca e parë për teknikun, por rritja e konkurencës do t’i shërbente për mirë edhe Leno-s, që me situatën aktuale e ka të sigurt vendin e titullarit gjithmonë.
Manchester United: United-i është duke ndjekur me interes Romain Faivre-n. Mesfushorin francez 22-vjeçar të Stade Brest-it në Ligën e Parë francize. Faivre është titullar i padiskutueshëm tek Brest-i, ku këtë sezon ka 19 paraqitje, katër gola dhe tre asiste.
Milan: Kuqezinjtë janë në kërkim të talenteve premtues për të ardhmen. Pas transferimit të qëlluar të Alexis Saelemaekers-it nga belgët e Anderlecht-it, tashmë po kërkojnë një tjetër lojtarë nga ky klub. Bëhet fjalë për mesfushorin, Albert Sambi Lokonga, 21-vjeçarin, që është dhe pjesë e Belgjikës U21.
Real Madrid: Madrilenët kanë piketuar mesfushorin e së ardhmes. Lojtari i Rennes-it, Eduardo Camavinga, pritet tu bashkohet madrilenëve në verën e ardhshme. Camavinga ka një vlerë rreth 60 milionë euro dhe është vetëm 18-vjeç. Për të ka interes nga shumë klube të mëdha si, Juventus-i, Manchester United-i, Arsenal-i dhe PSG-ja./ AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit