Gjykata Kushtetuese në Shqipëri ka vendosur që mos të kalojë për shqyrtim kërkesën e deputetëve demokratë lidhur me postin e Skënder Gjinushit si drejtues i Akademisë së Shkencave, për arsye procedurale.
Lajmi u bë i ditur nga përfaqësuesja demokrate Ina Zhupa, e cila e konsideroi si anti-kushtetuese drejtimin e Gjinushit.
Sakaq, ajo bëri të ditur se do t’i drejtohen sërish Gjykatës Kushtetuese përmes një kërkese të re.
Kjo, në lidhje me papajtueshmërinë e ushtrimit të funksionit të Kryetarit të Akademisë së Shkencave si dhe verifikimin e zgjedhjes së tij në këtë detyrë.
Sipas saj, Akademia e Shkencave drejtohet nga një person që është vendosur në kundërshtim me kërkesat e Kushtetutës dhe ligjit, pa një akt emërimi të nxjerrë nga organi kompetent që parashikon Kushtetuta, duke bërë të mundur që ky mandat anti-kushtetues të ushtrohet për gati katër vite.
Deputetja demokrate, në një deklaratë para Gjykatës Kushtetuese në dhjetorin e vitit të kaluar do të hidhte akuza për drejtuesin e Akademisë së Shkencave, Skënder Gjinushi se qëndronte në atë pozitë në kundërshtim me ligjin, pasi është i padekretuar nga Presidenti i Republikës së Shqipërisë.
“Ilir Meta kur ishte në krye të Presidencës ka evidentuar shkelje kur është çuar për emërim emri i Skënder Gjinushit”, tha Zhupa. “Të shpallet pezullimi i menjëhershëm i Gjinushit”.
Kujtojmë që, Skënder Gjinushi u zgjodh në krye të Akademisë së Shkencave në vitin 2019 me 35 vota pro dhe 6 kundër.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Strategjitë dhe metodat e shpërndarjes së lajmeve të rreme për keqinformim – Si i përdor Kremlini?
-
Shqipëria kampionia e verës për gjermanët
-
Sa herë që jemi pranë marrëveshjes, ka sabotazh nga të dyja palët: Izraeli dhe Hamasi janë fajtorë, thotë Katari
-
“Do të mund ta padisin Serbinë në Gjykatën Evropiane pas anëtarësimit në KiE”, Osmani për familjarët e të zhdukurve