Gjykata Kushtetuese e Kosovës akoma nuk ka vendosur për vlerësimin e kushtetutshmërisë së ligjit për Këshillin Prokurorial të Kosovës.
Zëdhënësi i Gjykatës Kushtetuese, Veton Dula në një përgjigje për Albanian Post ka thënë se informatat e publikuara në disa media lidhur me këtë çështje “janë të pasakta”.
“Informatat e publikuara sot në disa portale përkitazi me vendimmarrjen e Gjykatës në këtë rast janë të pasakta. Gjykata nuk ka vendosur ende lidhur me kërkesën për vlerësimin e kushtetutshmërisë së Ligjit për Këshillin Prokurorial të Kosovës”.
“Gjykata është duke e trajtuar këtë rast me seriozitetin dhe përkushtimin më të lartë, dhe për vendimmarrjen e saj do të njoftohen me kohë të gjitha palët dhe opinioni”, thuhet në përgjigjen e Dulës për AP.
Të enjten e 23 shkurtit në media u publikuan informacione se Gjykata Kushtetuese ka gjetur disa pika të Ligjit për Këshillin Prokurorial që bien ndesh me kushtetutën e vendit.
Ky ligj ishte dërguar nga Partia Demokratike e Kosovës (PDK) në Gjykatën Kushtetuese në korrik të vitit 2022, pasi të njëjtit pretendonin se ndryshimet e bëra në ligj, janë në kundërshtim me Kushtetutën.
Më 9 mars, Qeveria e Kosovës në mbledhje ka miratuar Projektligjin për ndryshimin dhe plotësimin e Ligjit për Këshillin Prokurorial të Kosovës.
Sipas ministres së Drejtësisë, Albulena Haxhiu, ky ndryshim i Ligjit për Këshillin Prokurorial të Kosovës është i nevojshëm që të reformohet sistemi prokurorial.
Ndryshimet në Ligjin për Këshillin Prokurorial të Kosovës, janë miratuar më 14 prill të vitit 2022.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ambasada amerikane në Kosovë: Një demokraci e fortë inkurajon një media të lirë
-
Basha: Meta është kartë e djegur, harxhim kohe të merrem me të
-
Prezantohet strategjia e menaxhimit të Financave Publike, Gonzato: Prek disa kapituj të integrimit evropian
-
KMShK-ja i konsideron si të “dëmshme dhe të papranueshme” përpjekjet e Qeverisë për kontroll mbi mediat
Lajmet kryesore
-
Kosova shënon regres për 19 vende në indeksin e “Reporterëve pa Kufij” – gazetarët vazhdojnë të jenë cak i sulmeve politike
-
Prezantohet strategjia e menaxhimit të Financave Publike, Gonzato: Prek disa kapituj të integrimit evropian
-
Një darkë në Elysee për të bindur Scholz-in për Kinën
-
Nga lufta ndaj krimit te pavarësia e prokurorëve, qeveria shpalos 4 rekomandime për SPAK dhe Prokurorinë