Kryeministri i Republikës së Kosovës, Albin Kurti, së bashku me ministrin e Financave, Punës dhe Transfereve, Hekuran Murati, janë takuar të premten me zëvendëspresidentin e kompanisë të prodhimit të automjeteve, KIA Europe, Jun Young Choi.
Siç njofton zyra e kryeministrit Kurti e njoftoi Jun-in “për përkushtimin e Qeverisë së Kosovës në fuqizimin e zhvillimit ekonomik, potencialin e Kosovës për investime si dhe për klimën e favorshme në Kosovë për kompanitë ndërkombëtare”.
“Kryeministri Kurti tha se kompanitë si KIA janë të mirëseardhura për të investuar në Kosovë”, thuhet në njoftimin e zyrës së kryeministrit.
“Po ashtu, Kryeministri Kurti e njoftoi Jun-in për progresin e Kosovës në të gjithë fushat, mjedisin e përshtatshëm për biznes, progresin demokratik dhe ekonomik, sundimin e ligjit dhe për politikat e qëndrueshme ekonomike të cilat janë përparësi për investitorët e huaj”.
Ndërkaq, kreu i ekzekutivit kosovar ka theksuar se “gjatë këtyre dy viteve të qeverisjes, Kosova ka bërë rritje të theksuar ekonomike, rritje të të hyrave, eksporteve dhe investimet e huaja direkte”.
“Gjatë takimit, kryeministri tha se Kosova nga organizatat dhe institucionet e rëndësishme ndërkombëtare është vlerësuar dhe ka shënuar progres në parametrat e sundimit të ligjit dhe të zhvillimit demokratik”, thuhet aty.
Gjithashtu, ai i ka ftuar drejtuesit e kësaj kompanie që të shqyrtojnë mundësitë që Kosova ofron për qëllimet dhe planet e kompanisë.
Ndryshe, KIA është kompani për prodhimin e automjeteve në Korenë e Jugut
Është prodhuesi i dytë më i madh i automobilave në Korenë e Jugut, pas kompanisë së saj mëmë, Hyundai Motor Company, me shitje mbi 2.8 milionë automjete në vitin 2019. Që nga viti 2015, KIA Corporation është pakicë në pronësi të Hyundai, e cila zotëron 33.88% të aksioneve me vlerë pak më shumë se 6 miliardë dollarë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
AGK-ja reagon ndaj Bashës: VV-ja po i dëshmon në praktikë gjetjet e indeksit “Reporterët pa Kufij”
-
Një muaj paraburgim ndaj katër të dyshuarve për plagosjen në Podujevë
-
Szunyog: Sulmet fizike, kërcënimet, gjuha e urrejtjes ndaj gazetarëve në Kosovë është për t’u shqetësuar
-
Kurti sërish udhëton për në Gjermani