Kryeministri i Kosovës, Albin Kurti ështa takuar me ministrinë e shëndetësisë Rifat Latifin, zëvendësministren e Shëndetësisë, Dafina Gexha Bunjaku dhe Bordin e Shërbimit Spitalor dhe Klinik Universitar të Kosovës.
Gjatë këtij takimi ata kanë diskutuar për vështirësitë dhe sfidat në sistemin shëndetësor, bën të ditur Zyra e Kryeministrit.
“Ndarja dhe bashkëpunimi publiko-privat në sektorin e shëndetësisë. Sistemi Informativ Shëndetësor dhe sigurimet shëndetësore. Reforma e sistemit shëndetësor, në veçanti e ShSKUK-së, për fuqizimin e QKUK-së, të spitaleve rajonale dhe kujdesit parësor shëndetësor”.
Ndërkaq, në njoftim theksohet se Kurti ka shprehur mbështjetje për sektorin e shëndetësisë dhe angazhim të shtuar për këtë fushë.
“Kryeministri shprehu zotimin e tij për mbështetje të sektorit të shëndetësisë dhe për angazhim të shtuar për këtë fushë tejet të rëndësishme për shëndetin, jetën dhe mirëqenien e qytetarëve”.
Temë diskutimi kishin edhe spitalin e Prishtinës dhe nevojën për ndërtimin e tij.
“Raporti i sektorit publik të shëndetësisë, si shërbim e kujdes profesional me Fakultetin e Mjekësisë të Universitetit, si vatër e kërkimit, hulumtimit dhe studimit shkencor. Nevoja për Spitalin rajonal të Prishtinës. Raporti i MSh-së dhe ShSKUK-së me pesë odat e profesionistëve shëndetësorë: të mjekëve, të infermierëve, të stomatologëve, të farmacistëve dhe të fizioterapeutëve”.
Më 2 gusht, drejtori i Shërbimit Spitalor Klinik Universitar të Kosovës, Valbon Krasniqi, kishte dhënë dorëheqje nga kjo pozitë.
Dorëheqjen e tij e kishte miratuar Bordi Drejtues i SHSKUK-së.
Ushtruese e detyrës së kësaj pozite është emëruar Pranvera Zejnullahu-Raçi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
KSHZ: Dalja në zgjedhje presidenciale është 12.87 për qind, në zgjedhjet parlamentare 13.69 për qind
-
Emerging Europe: Përpos sfidave, ekonomia e Shqipërisë zë një vend të mirë
-
Brenda ekstremit të djathtë të Gjermanisë
-
Kurti e cilëson “absurde” kërkesën e Francës dhe Gjermanisë për dërgimin e draftstatutit të Asociacionit në Kushtetuese para anëtarësimit në KiE