Deputeti i Lidhjes Demokratike të Kosovës, Driton Selmanaj, ka thënë se kryeministrit të Kosovës, Albin Kurti për të mbijetuar në politikë gjithnjë i duhet një “armik” kujdestar.
“Ky njeri nuk mundet me qeverisë pa shpikur armiq kujdestarë dhe një ditë kur qytetarët e Kosovës masivisht do të kërkojnë llogari prej tij, ky do armiqësohet edhe me vet qytetarët dhe votuesit e tij. E ajo ditë jam i bindur që po afrohet me shpejtësi”, shkroi ai në Facebook.
Sipas Selmanajt, kryeministri për t’i fshehur skandalet qeveritare, “armiq” i bënë mediat, ndërsa për ta fshehur dështimin në arsim, “armike” e bën SBASHK-un dhe për ta fshehur dështimin në shëndetësi, “armik” i bënë mjekët.
“Për ta fshehur dështimin në drejtësi, armik i bënë prokurorët e gjyqtarët; Për ta fshehur dështimin në ekonomi, armik i bënë bizneset oligarkët siç di t’i thotë ai, për ta fshehur dështimin në infrastrukturë, armik i bënë qeveritë e kaluara, Për ta fshehur dështimin dhe paditurin për draftimin e ligjeve kualitative, armike e bënë Gjykatën Kushtetuese”.
Ndërkaq sipas Selmanajt, kryeqeveritari për ta fshehur dështimin në dialog e diplomaci, “armike” i bënë ndërmjetësitë dhe gjithë bashkësinë ndërkombëtare.
Prandaj, për Selmanajn, “mosdija dhe dështimi nuk munden të fshehën me armiq të shpikur”.
“Kosova ka nevojë për zhvillim e prosperitet në çdo fushë, e jo broçkulla, e sjellje paranojake me armiq kujdestarë e të shpikur”, potencoi deputeti i LDK-së.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet