Ushtria e Ruanda-s ka njoftuar se, në bashkëpunim me trupat e Mozambikut, kanë rimarrë një qytet nga militantët islamikë në veri të Mozambikut.
Thuhet se Mocímboa da Praia ishte bastioni i fundit i rebelëve, i cili ndodhet në provincën Cabo Delgado, shtëpia e një prej fushave më të mëdha të gazit në Afrikë.
Muajin e kaluar, Ruanda dërgoi 1 mijë ushtarë në Mozambik për të luftuar militantët, të cilët filluan një kryengritje në 2017.
Më shumë se tre mijë njerëz janë vrarë dhe 820 mijë janë zhvendosur gjatë konfliktit.
Forca e armatosur mozambikase po përpiqet të rimarrë kontrollin e krahinës.
“Qyteti port i Mocímboa da Praia, një bastion i madh i kryengritjes për më shumë se dy vjet, është kapur nga forcat e sigurisë në Ruanda dhe Mozambik”, tha Forca e Mbrojtjes e Ruanda-s të dielën në Tëitter.
Zëdhënësi i Forcës, Kol Ronald Rwivanga, më vonë tha për agjencinë e lajmeve AFP se porti “ishte bastioni i fundit i kryengritësve, duke shënuar fundin e fazës së parë të operacioneve kundër-kryengritëse”.
Përshkallëzohet konflikti në Mozambik – trupat e huaj përplasen me islamistët
Trupat e huaja, të dërguara për të ndihmuar forcat lokale të sigurisë në Mozambik, më 26 korrik janë përplasur me militantët islamikë për herë të parë, ndërsa konflikti në vendin e Afrikës Lindore kalon në një fazë të re dhe potencialisht të rrezikshme.
Ushtarët ruandas, të cilët kohët e fundit arritën në Mozambik, luftuan një seri angazhimesh kundër ekstremistëve javën e kaluar.
Trupat ruandas janë vendosja e parë e rëndësishme e huaj në një rol të drejtpërdrejtë luftarak në konflikt.
Kontraktorët ushtarakë rusë dhe afrikanë-jugorë kanë luftuar më parë kryengritësit së bashku me forcat lokale të sigurisë.
Po ashtu ka pasur raporte të pakonfirmuara për një përplasje të mundshme, i cili përfshin Forcat Speciale Perëndimore në fillim të këtij viti.
Sukseset e fundit të kryengritësve, të cilët kanë lidhje me Shtetin Islamik, në provincën veriore, Cabo Delgado kanë nxitur frikën ndërkombëtare për një enklavë të re ekstremiste në Afrikën e Jugut.
Ata çuan në një vendosmëri të re rajonale për t’i mposhtur.
Fraksionet e lidhura me Shtetin Islamik (IS) dhe al-Qaida janë rritur në forcë në Afrikën Perëndimore, Qendrore dhe Juglindore në vitet e fundit, një nga rajonet e pakta të botës, ku të dy grupet janë zgjeruar.
Në një raport të botuar javën e kaluar, komiteti i Kombeve të Bashkuara – i ngarkuar me monitorimin e kërcënimeve nga al-Kaida dhe IS në të gjithë botën – përshkroi pjesët e Afrikës Perëndimore dhe Lindore si shqetësuese.
Vendosja e trupave
Ka plane për mijëra trupa të huaja, të cilat do të vendosen në Mozambik gjatë muajve të ardhshëm nga të paktën shtatë vende të ndryshme.
Ekspertët kanë thënë se fluksi i ushtarëve të huaj mund të çojë në sulme hakmarrjeje në të gjithë Afrikën e Jugut dhe ndoshta më gjerë, të cilat do të përpiqen të parandalojnë shërbimet e dobëta të sigurisë lokale.
Ekzistojnë gjithashtu shqetësime se vendosja e forcave të konsiderueshme me njohuri të kufizuara të mjedisit lokal, gjuhëve dhe kulturës mund të jetë joproduktive nëse nuk ekuilibrohet nga një gamë e gjerë iniciativash sociale, politike dhe ekonomike.
Jasmine Opperman, një eksperte e konfliktit me bazë në Afrikën e Jugut fqinje, tha se ishte e qartë se diçka duhej bërë për të ndaluar përparimin e kryengritësve.
“Mozambiku ka nevojë për ndihmë dhe kjo është e qartë”, tha ajo.
Elementë të përparuar nga ushtria e Afrikës së Jugut gjithashtu kanë mbërritur në Cabo Delgado, ku kryengritësit kanë marrë ose kontestuar kontrollin e sipërfaqeve të mëdha të tokës, duke zhvendosur 800 mijë njerëz dhe kërcënuar projekte fitimprurëse ndërkombëtare të gazit natyror.
Afrikanët e Jugut janë pjesë e një force shumëkombëshe të bashkuar nga Komiteti rajonal i Zhvillimit të Afrikës së Jugut.
Është e paqartë saktësisht se sa nga 3 mijë trupat të planifikuara do të vendosen në të vërtetë, sepse trazirat e fundit në Afrikën e Jugut do të thotë që Pretoria nuk do të jetë në gjendje t’i përmbushë angazhimet e saj ndaj forcës.
Angola, Tanzania dhe Botsvana janë gjithashtu kontribuuese me ushtarë
Përpjekja e re për të forcuar forcat lokale të sigurisë vjen pasi një ofensivë nga ekstremistët në fillim të këtij viti nxori në pah dobësitë e forcave lokale.
Në mars, ata filluan një sulm ndaj Palma-s, një port ngjitur me një projekt gazi 20 miliardë dollarë të udhëhequr nga kompania e naftës Total.
Forcat e Ruanda-s filluan një seri patrullimesh agresive rreth qytetit, në fillim të këtij muaji, si përpjekje për të rivendosur kontrollin e qeverisë në zonën e brendshme të tij të afërt.
Shumica e civilëve në zonë kanë lënë fshatrat e tyre për t’u larguar nga kryengritësit ose u është thënë të largohen nga autoritetet.
Kryengritësit e quajnë veten Ansar-al-Sunna, por për vendasit njihen si al-Shabaab.
Departamenti i shtetit i ka caktuar ata si pjesë e Provincës Afrikane Qendrore të Shtetit Islamik, por analistët kundërshtojnë ashpër shkallën e lidhjeve të tyre me udhëheqjen e grupit në Lindjen e Mesme.
Trupat e huaj kanë një rekord të kufizuar të suksesit kundër militantëve islamikë në kontinent.
Vendosja e rrezikshme e forcave franceze dhe forcave të tjera ndërkombëtare në Mali ka pasur vetëm sukses të kufizuar dhe fitimet ushtarake janë dëmtuar nga paqëndrueshmëria e vazhdueshme politike dhe qeverisja e dobët në rajon.
Një forcë rajonale e Afrikës Lindore në Somali nuk ka qenë në gjendje të fitojë përsëri pjesën më të madhe të vendit nga bashkëpunëtorët e al-Qaida për më shumë se një dekadë operacionesh.
Marrë nga The Guardian, përshtatur për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
