Gjykata e Apelit e ka ndryshuar aktvendimin e Gjykatës Themelore në Prishtinë, me të cilin kjo e fundit kishte hudhur poshtë dy pika të aktakuzës ndaj ish drejtorit të Sekretariatit të Këshillit Prokurorial të Kosovës (KPK), Lavdim Krasniqi, i cili akuzohej për keqpërdorim të pozitës zyrtare.
Në vendim e Apelit thuhet se me refuzimin e kërkesës për hedhjen e aktakuzës të parashtruar nga mbrojtësi i të akuzuarit Krasniqi, avokatit Ramë Gashi, i hapet rruga nisjes së shqyrtimit gjyqësor ndaj ish-drejtorit të Sekretariatit të KPK-së.
“Ndryshohet aktvendimi i Gjykatës Themelore në Prishtinë- Departamenti për Krime të Rënda i datës 25.11.2021 lidhur me pikën III nënpikën 1 të dispozitivit, ashtu që refuzohet si e pabazuar kërkesa për hedhjen e aktakuzës e parashtruar nga mbrojtësi i të pandehurit”.
“Për veprat penale në bashkëkryerje “keqpërdorim i pozitës apo autoritetit zyrtar(pika IV e aktakuzës dhe pika V e aktakuzës, ashtu që procedura vazhdon me shqyrtim gjyqësor në gjykatën e shkallës së parë” thuhet në vendimin e Apelit, raporton Betimi për Drejtësi.
Ndërsa, Apeli ka refuzuar si të pabazuar ankesën e Prokurorisë Themelore në Prishtinës
“Gjykata e Apelit ka refuzuar si të pabazuar ankesën e Prokurorisë Themelore në Prishtinë duke vërtetuar vendimin e shkallës së parë me të cilën kishte shpallur si provë të papranueshme transkriptimin e bisedës së bashku me CD e 26 shkurtit të marra në bazë të urdhëresës së gjykatës më 25 shkurt 2021”.
Po ashtu, Apeli ka anuluar vendimin e shkallës së parë edhe sa i përket të akuzuarës, Margiona Gashi, për veprën penale, “Blerja, posedimi ose fshehja e sendeve të përfituara me kryerjen e veprës penale”.
Më 6 tetor, është mbajtur seanca gjyqësore për korrupsion ndaj ish-Drejtorit të Sekretariatit të Këshillit Prokurorial, Lavdi Krasniqi, dhe zyrtarëve të tjerë, Ardian Krasniqi, Marigona Berisha dhe Flora Doda.
Po ashtu, me 1 mars, ish-Drejtori i Sekretariatit të Këshillit Prokurorial të Kosovës, Lavdim Krasniqi së bashku me një zyrtare tjetër të këtij institucioni, ishin arrestuar si të dyshuar për keqpërdorim të detyrës zyrtare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
1 Maji në mbarë botën: Më shumë të drejta dhe rritje të pagave
-
Avokati i Popullit kërkon angazhim nga institucionet për ta përmirësuar situatën e punëtorëve
-
Premtimi i Kurtit për Kodin Civil “shpresa e fundit” për t’i shpëtuar presionit për Asociacionin
-
Astrazeneca në gjykatë: Vaksina jonë mund të shkaktojë një efekt anësor shumë të rrallë
Lajmet kryesore
-
1 Maji në mbarë botën: Më shumë të drejta dhe rritje të pagave
-
Reforma Zgjedhore, Klosi: Besoj se Parlamenti do të ketë vullnetin për të realizuar disa problematika
-
Gjeorgjia në revoltë kundër qeverisë pro-ruse, turma kërkon demokraci
-
Premtimi i Kurtit për Kodin Civil “shpresa e fundit” për t’i shpëtuar presionit për Asociacionin
