Ministri i Shëndetësisë së Kosovës, Arben Vitia, e ka nënshkruar Udhëzimin Administrativ për vaksinat anti-COVID.
“Udhëzimi Administrativ për Ndryshimin dhe Plotësimin e Udhëzimit Administrativ Nr. 01/2015, Autorizimi për Marketing për Produktet Medicinale i cili i hap rrugë sjelljes së vaksinave anti-COVID në Kosovë, është nënshkruar nga ministri i Shëndetësisë Arben Vitia”, thuhet në njoftimin e Ministrisë së Shëndetësisë.
Sipas këtij dokumenti, vaksinat duhet të kenë miratimin e Zyrtarëve të lartë nga Komisioni Evropian (EMA) dhe Administrata e ushqimit dhe barnave të Shteteve të Bashkuara (FDA). Ky udhëzim administrativ i hap rrugë blerjes së vaksinave nga kompania Pfizer.
Tutje në njoftim thuhet se ky udhëzim “ua mundëson palëve kontraktuale që të marrin me kusht autorizim-marketingun për vaksinat kundër COVID-19, duke përjashtuar dispozitat e Udhëzimit Administrativ 01/2015. Ky i fundit në Nenin 6 përcakton që AM lëshohet me kusht që çdo person juridik apo korporatë duhet të ketë të regjistruar biznesin në Republikën e Kosovës”.
Ky nen është përjashtuar nga udhëzimi i ri administrativ, i cili vlen vetëm për vaksinat kundër COVID-19.
Bazuar në këtë dokument, importi i vaksinave bëhet sipas legjislacionit në fuqi dhe kritereve të përcaktuar në marrëveshje në mes MSH-së dhe palës kontraktuale për sigurimin e vaksinave anti-COVID.
Në njoftimin e MSH-së thuhet se “ndryshimet janë bërë me kërkesë të kompanive ndërkombëtare, të cilat prodhojnë vaksina sikur kompania Pfizer/Biontech, të cilat nuk kanë pranuar të kenë përfaqësues në vendet ku dorëzohen vaksinat”.
Udhëzimi Administrativ ka hyrë në fuqi më 19 prill të vitit 2021.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Konjufca: Kemi përjetuar gjenocid nga shteti serb, bëjmë thirrje për drejtësi
-
Kurti: Opozita s’mund t’i shtyjë pafundësisht zgjedhjet – LVV-ja do ta fitojë kampionatin edhe kupën
-
“Promovohet pavarësia e Kosovës”, Jovanoviç për festivalin “Mirdita, dobar dan”
-
Kurti: Disa kryetarë edhe na kritikojnë, edhe i paraqesin si suksese komunale investimet e Qeverisë
Lajmet kryesore
-
Basha përjashton çdo mundësi bashkëpunimi me Berishën
-
Hysaj kërkon ndjesë pas ‘gafës’ me Italinë, kërkon mirëkuptim dhe përqendrim për ndeshjet e ardhshme
-
Rezistenca ndaj një administrate të re Trump ka filluar tashmë
-
Kurti: Opozita s’mund t’i shtyjë pafundësisht zgjedhjet – LVV-ja do ta fitojë kampionatin edhe kupën
