Kombëtarja e Kosovës U-17 ka zhvilluar ndeshjen e parë miqësore këtë të mërkurë me Kombëtaren e Turqisë U-18. “Dardanët” pësuan humbje pavarësisht paraqitjes së mirë që patën, me rezultat 1:0.
Të përzgjedhurit e Arsim Abazit nuk arritën të konkretizojnë rastet që kishin, veçmas në pjesën e dytë kur u liruan nga presioni dhe shfaqën lojë dukshëm më të mirë.
Megjithatë, mysafirët të cilët ishin një gjeneratë më e madhe, në periudhën kur Dardanët bënin përpjekje për të gjetur rrugën e golit, arritën të zhbllokojnë shifrat pas një korneri të shkurtër në minutën e 80-të, kur realizoi Yasar Kavas.
Pavarësisht këtij rezultati përzgjedhësi Arsim Abazi u shpreh i kënaqur me performancën e futbollistëve në fushë, ndërsa pohoi se këto ndeshje miqësore i ndihmojnë ekipit të tij për t’u përgatitur sa më të mirë për Elite Round në kuadër të kualifikimeve për Kampionatin Evropian 2022.
Të premten Kosova U-17 dhe Turqia U-18 do të përballen sërish, në kompleksin e FFK-së në Hajvali.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Krejt çka ndodhi në zgjedhjet në Maqedoni të Veriut, fituesit dhe humbësit
-
Asnjë subjekt i posaçëm i SPAK nuk ka përfituar nga Amnistia, garanton Bardhi
-
Netanyahu thotë se vendi i tij është i përgatitur të ‘qëndrojë i vetëm’
-
Kosova nën sanksionet e BE-së shënon Ditën e Evropës pa progres drejt integrimeve
