Koret raciste, e pësojnë tifozët e Lazio-s

Takimi i javës së fundit në Serie A mes Lazio-s dhe Lecce-s ka kthyer skenat e turpshme të koreve raciste.

Ish-mbrojtësi i Barcelonës, Samuel Umtiti dhe Lamek Banda të Lecce-s ishin viktima të ulërimave dhe koreve raciste të tifozëve të Lazio-s, gjë që ka sjellë hetim dhe masa disiplinore ndaj klubit bardhekaltër.

Siç raportojnë mediat italiane, organet e drejtësisë sportive do ta mbyllin tribunën e “Curva Nord” në ndeshjen e radhës që Lazio luan në shtëpi.

Depressing start to the year in Serie A. Umtiti and Banda racially abused. Lecce, Lazio and the players' association have condemned it. The league has ordered the closure of Lazio's Curva Nord for one game. Other than that Serie A typically silent. Lukaku abuse also flagged

— James Horncastle (@JamesHorncastle) January 5, 2023

Ky do të jetë vetëm njëri nga dënimet për tifozët e Lazio-s, për sjelljen e grupeve të organizuara të tifozëve të cilët ishin të pranishëm në stadiumin e Lecce-s gjatë ndeshjes që bardhekaltrit humbën me shifrat 2:1.

Në shpjegimin e këtij dënimi theksohej se të tre delegatët e pranishëm në stadium dëgjonin qartësisht thuajse të gjithë tifozët lacialë të pranishëm të lëshonin kore të tilla raciste kundër futbollistëve vendas.

Ky rast e kishte çuar edhe në ndërprerjen e ndeshjes për disa minuta me folësin e stadiumit që kishte paralajmëruar për masa të ashpra ndaj atyre që përsëritnin gjeste të tilla.

Ndërkohë, bëhet e ditur se ka nisur hetimi edhe ndaj ultrasve të Napolit të pranishëm në “San Siro” për ndeshjen ndaj Interit, pasi ata kishin shenjëstruar me thirrje raciste Romelu Lukakun gjatë ndeshjes së të mërkurës.

Megjithatë, në rastin konkret po zhvillohen hetime më të hollësishme pasi në teori, nuk duhej të kishte tifozë udhëtues në këtë ndeshje e cila vlerësohej si e “rrezikshmërisë së lartë”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.