Konjufca i kërkon komunitetit ndërkombëtar të dënojnë agresionin e Serbisë: Po cenohet sovraniteti dhe siguria e Kosovës
Kryetari i Kuvendit të Kosovës, Glauk Konjufca ka dënuar ashpër “sulmin terrorist dhe kriminal të strukturave kriminale të drejtuara nga Serbia”.
Kjo e fundit, la të vrarë një polic dhe një tjetër u plagos në orët e para të mëngjesit në veri të Kosovës.
“Ky është një sulm i drejtpërdrejt ndaj rendit kushtetues, ndaj veprimeve tona për rend dhe ligj dhe cenim i sovranitetit dhe sigurisë të vendit tonë”, theksoi fillimisht kryekuvendari.
Ai i kërkoi fuqishëm faktorit ndërkombëtar, veçanërisht BE-së dhe SHBA-ve që ta dënojnë Serbinë për këtë agresion të hapur kundrejt Kosovës.
“Në emër të Kuvendit të Republikës së Kosovës dhe në emrin tim i shpreh ngushëllimet më të sinqerta familjes së policit të vrarë, ndërsa policit të plagosur shërim sa më të shpejtë”, shtoi Konjufca në reagimin e tij.
Në përmbyllje ai u shpreh se autorët e këtij krimi, urgjentisht të sillen para drejtësisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Maqedonci takon homologun hungarez, flasin për sulmin në Veri dhe sigurinë në Ballkan
-
Mehaj: Për 25 vite institucionet kanë bërë një punë modeste në argumentimin dhe ndriçimin e gjenocidit serb
-
Partitë shqiptare në Bujanoc nënshkruajnë marrëveshje paszgjedhore për të ruajtur shumicën
-
Ministri serb: Fitorja e Kosovës në KiE s’është më aq e lehtë dhe e thjeshtë