Kongresisti amerikan, Ritchie Torres pas takimit me ministren e Punëve të Jashtme të Kosovës, Donika Gërvalla, ka vlerësuar se Kosova është histori suksesi në Ballkanin Perëndimor dhe aleat i palëkundur i Shteteve të Bashkuara të Amerikës.
Torres, përmes një shkrimi në platformën ‘X’, ka thënë se kanë diskutuar edhe për atë me të cilën është duke u përballur Kosova pas sulmit në Banjë.
“Si kongresmen për Bronksin, ku jetojnë mijëra shqiptarë nga Kosova, pata një takim produktiv me Ministrin e Jashtëm Donika Gërvalla, për agresionin me të cilin po përballet Kosova gjithnjë e më shumë nga Serbia në Veri”.
“Unë qëndroj me Kosovën, e cila është një histori suksesi e demokracisë në Ballkanin Perëndimor dhe një aleat i palëkundur i Shteteve të Bashkuara”, ka shkruar ai.
Excellent meeting w/🇺🇸 Congressman @RitchieTorres, a staunch supporter of 🇽🇰. Addressed regional developments, Serbia's aggression against Kosova and stressed the need for action against Vučić’s regime to prevent further escalation. Also discussed our NATO membership aspirations. pic.twitter.com/9zWhyfHJuq
— Donika Gërvalla-Schwarz (@gervallaschwarz) October 25, 2023
Më 25 tetor, Gërvalla, është takuar edhe me Asistenten Speciale të Presidentit të Shteteve të Bashkuara të Amerikës dhe Drejtoreshën e Lartë për Evropën në Këshillin e Sigurisë Kombëtare, Amanda Sloat.
Ajo ka thënë se kanë diskutuar për situatën aktuale të sigurisë në Kosovë dhe rajon, duke theksuar rëndësinë e mbajtjes së Serbisë përgjegjëse për agresionin e saj.
Shefja e diplomacisë kosovare, së bashku me presidenten e Kosovës, Vjosa Osmani, po qëndron në SHBA, ku edhe është mbajtur seanca e Këshillit të Sigurimit të Organizatës së Kombeve të Bashkuara (OKB) mbi raportin gjashtë mujor të misionit të OKB-së në Kosovë (UNMIK).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit