Partia qeverisëse e Japonisë dhe koalicioni i saj kanë shënuar një fitore gjithëpërfshirëse në zgjedhjet e dhomës së lartë.
Këto, të mbajtura pas vrasjes së ish-kryeministrit Shinzo Abe.
Lajmi u bë i ditur nga agjencitë perëndimore, duke cituar mediat lokale.
Zgjedhjet për dhomën e lartë janë për Dhomën e Këshilltarëve, ndërsa dhoma e ulët cakton Dhomën e Përfaqësuesve në Japoni.
Partia Liberal Demokrate (LDP) fitoi 63 ulëse, ose më shumë se gjysmën e 125 vendeve të fituara në zgjedhjet e së dielës.
Partneri i koalicionit “Komeito” arriti të fitoi 13 ulëse në këtë dhomë.
Fitorja e zgjedhjeve ravijëzon mbështetjen për rishikimin e kushtetutës pacifiste të Japonisë.
Kjo e fundit, ka qenë një ambicie e kahershme e ish-kryeministrit Abe.
Agjencia e lajmeve “Kyodo” shtoi se kampi pro amendamentit kushtetues tani ka 179 ulëse.
Kryeministri i vendit Fumio Kishida deklaroi se do të vazhdonte me planet për të ndryshuar kushtetutën, e cila iu imponua Japonisë nga Shtetet e Bashkuara pas Luftës së Dytë Botërore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com