Këshilli i Lartë i Prokurorisë (KLP) ka mirëpritur në një takim përfaqësues të Institutit për Demokraci dhe Ndërmjetësim (IDM) dhe ambasadoren e Suedisë në Shqipëri, Elsa Hastad.
Ky takim, i cili u financua nga Ambasada suedeze në Shqipëri dhe u zhvillua të mërkurën e 9 shkurtit në ambientet e KLP-së, përkon me nisjen e zbatimit të projektit “T’i shërbejmë demokracisë dhe qytetarëve përmes përmirësimit të integritetit publik”.
Projekti ka si qëllim rritjen e besimit të publikut te puna e Këshillit. Kjo do të arrihet përmes forcimit të garancisë për integritet.
Drejtuesi ekzekutiv i IDM-së, Sotiraq Hroni, dhe Nadia Rusi shtjelluan hapat për zbatimin e tij.
“Integriteti është pikënisja e një detyre, por në të njëjtën kohë duhet të jetë edhe destinacioni i saj. Përmes mekanizmave që e promovojnë atë, ne kemi mundësinë të projektojmë sigurinë e publikut që puna jonë e përditshme garanton integritet”, u shpreh në fjalën e tij mikpritëse, kreu i Këshillit të Lartë të Prokurorisë, Ibrahimi.
Ambasadorja e Suedisë në Shqipëri, Elsa Hastad, theksoi se, përmes integritetit, do të mund të ruajmë dhe promovojmë vlerat e demokracisë.
“Duke përmirësuar integritetin, ju do të ndërmerrni veprime konkrete dhe do të rrisni besimin tek publiku. Është shumë e rëndësishme të kuptojmë se forcimi i institucioneve, shpesh herë kërkon një kohë të gjatë, ndaj mos e merrni të mirëqenë demokracinë! Llogaridhënia është çelësi dhe objektivi final”, tha Hastad.
Kjo e fundit përmendi dhe një herë mbështetjen e Ambasadës suedeze në konsolidimin e institucioneve në Shqipëri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Abissnet Superiore” për vajza/ Vllaznia mund Apoloninë në finale & shpallet kampione e Shqipërisë për herë të 11-të
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Lehtësimi i jetës së shqiptarëve, ligji i luftës dhe e ardhmja evropiane – Cilat ishin mesazhet e Ramës në Athinë?
Lajmet kryesore
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Putin shkarkon Shoigun dhe cakton një ministër të ri Mbrojtje, në mes të luftës
-
Zimmerman: Kosova, anëtare e asociuar e Këshillit të Evropës?