Deputetja e Lidhjes Demokratike të Kosovës, Doarsa Kica-Xhelili, ka reaguar pasi Lëvizja Vetëvendosje – partia në pushtet – ka publikuar videon propagandistike të radhës ku – përsëri – ka sulmuar partitë opozitare.
“Më pyeti dikush dje, a thua çka ka me qenë reagimi i pushtetit për iniciativën e LDK-së. I thash sondazhe fake, video propaganduese dhe panik”, ka shkruar ajo në Facebook.
“Më paska ikë mungesa e shijes/kreativitetit në video”, ka ironizuar ajo me videon e VV-së.
Në videon e VV-së, thuhet se partitë opozitare “flasin për izolim kur për 20 vjet na kanë mbajtur të izoluar duke na vjedhur”.
“Thonë Albini po na izolon në kohën kur liberalizimi i vizave u përmbyll me qeverinë Kurti, e cila luftojnë hajninë dhe korrupsionin e lartë në vend”.
Qytetarët, siç thuhet në këtë video nuk janë të izoluar, por hajnat e dikurshëm – duke iu referuar pjesëtarëve të partive opozitare – janë izoluar jashtë pushtetit.
Për Lëvizjen Vetëvendosje, partitë opozitare, janë në të njëjtën linjë me Serbinë kur po kërkojnë që në pjesën Veriore kryetarët e sapozgjedhur t’i lirojnë objektet komunale dhe të mbahen zgjedhje të reja – ani pse të njëjtat gjëra po kërkon edhe komuniteti ndërkombëtarë në veçanti Bashkimi Evropian dhe Shtetet e Bashkuara të Amerikës.
“Mirë që kjo opozitë nuk është në qeveri se do e dorëzonin vendin para Serbisë siç dëshmuan së fundi me kërkesën e tyre (të njëjtë me Serbinë) që të largohen kryetarët legjitim nga objektet komunale në pjesën veriore dhe të organizohen zgjedhje të reja”, vazhdon videoja.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kristi Noem, zëvendësja e mundshme e Trump: Kam vrarë qenin tim, e urreva, ishte i padisiplinuar
-
Maqedonci takon homologun hungarez, flasin për sulmin në Veri dhe sigurinë në Ballkan
-
Nga Suedia në Mbretërinë e Bashkuar, një valë arrestimesh zbulon praninë e një rrjeti spiunësh kinezë në Evropë
-
Sadaf Baghbani: Kam 150 fishekë në trup, mendova se askush nuk do të më dojë më