![](https://albanianpost.com/wp-content/uploads/2021/06/119015322_gettyimages-951617934.jpg)
Policia në Kanada dyshon se zjarret, që shkatërruan dy kisha katolike në tokat e komunitetit autokton, në Kolumbinë Britanike, janë të qëllimshme.
Kisha e Zemrës sё Shenjtё dhe Kisha e Shën Gregorit u dogjën në të njëjtin moment, mëngjesin e sё hënёs, 21 qershor, Ditën Kombëtare të Indigjenëve.
Të dy kishat, të ndërtuara më shumë se 100 vjet më parë, gjenden rreth 40 km larg në provincën perëndimore.
Njё ekspert i zjarreve u shpreh se ekziston mundёsia e pёrdorimit tё lёndёve djegёse, tregon BBC.
Të dy kishat në rezervatin e Bandës Indiane Penticton dhe rezervatin Osoyoos Indian Band janë më pak se 100 km nga Kamloops.
Vendi, ku u gjetёn eshtrat e 215 fëmijëve në një ish-shkollë me konvikt, në maj tё kёtij viti.
Mijëra fëmijë autoktonë u dërguan me forcё në shkolla të tilla në shekujt 19 dhe 20.
Institucionet drejtoheshin kryesisht nga Kisha Katolike Romake.
Në një deklaratë, zëdhënësi i Policisë së Montuar (RCMP) tha se, nëse hetimet i konsiderojnë këto zjarre si zjarrvënie, RCMP do kёrkojё të gjitha provat dhe motivet e mundshme.
“Ne jemi të ndjeshëm ndaj ngjarjeve të fundit, por nuk mund tё ngjallim spekulime”, shtoi ai.
Më 5 qershor, Shefja e Kombit të Parë të Tk’emlups te Sewepemc, Rosanne Casimir, ka kërkuar nga Kisha Katolike se duan një “falje publike”, pas gjetjes së mbetjeve të 215 fëmijëve në një ish-shkollë rezidenciale.
Shkollë, për të cilën flitet se ishte ngritur për të asimiluar njerëzit autoktonë.
Mendohet se disa nga eshtrat u përkisnin fëmijëve më të vegjël se tre vjeç.
Njoftimi i grupit ka hidhëruar dhe zemëruar të gjithë vendin për mënyrën e trajtimit të fëmijëve në shkolla, si dhe ka bërë thirrje për më shumë kërkime në institucione të tjera të tilla.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Basha sulmon sërish Berishën: Je në pazar me Ramën, sqaro demokratët për pengimin që i bën opozitës
-
Shqipëria në stërvitje intensive përpara Kroacisë, Asani kthehet me ekipin
-
Von der Leyen fshehu raportin për shkeljen e lirisë së mediave në Itali, për të marrë mbështetjen e Melonit
-
BE-ja e kategorizon “spekulim” optimizmin e Bislimit për heqjen e masave