Kafka kolosale e ‘përbindëshit të detit’ shfaqet për publikun në Dorset

Kafka e një përbindëshi kolosal të detit që u zbulua nga Bregu Jurasik më në fund po shfaqet.

Fosili 2 metra i gjatë i përket një pliosauri – një nga grabitqarët më të frikshëm që planeti ka parë ndonjëherë.

Publiku mund të shohë zvarranikun detar 150 milionë-vjeçar në Koleksionin Etches në Kimmeridge në Dorset, afër vendit ku u gjet.

Sakaq, pjesa tjetër e skeletit mund të jetë ende e varrosur në shkëmbinjtë e shkatërruar.

Shpresa është se mund të rikuperohet përfundimisht.

Feçka e pliosaurit u zbulua nga një entuziast i fosileve në një plazh pranë Gjirit Kimmeridge.

Kurse pjesa tjetër e kafkës u nxor nga gjysma e një faqeje shkëmbi që gërryhet shpejt nga një ekip i varur në mënyrë të pasigurt nga litarët.

Steve Etches udhëhoqi përpjekjet për të hequr dhe përgatitur fosilin.

Tani është duke u zbuluar në muzeun që mban emrin e tij, i ulur pranë fosileve të Jurasikut që ai ka kaluar një jetë të tërë duke i mbledhur.

“Do të jetë mbresëlënëse, veçanërisht kur fëmijët vijnë, sepse ata do të hyjnë dhe do ta shohin atë ballë për ballë – gjë që duhet të ketë efektin e kërkuar”, ka thenë ai.

Kafka e pliosaurit është një nga ekzemplarët më të plotë të gjetur ndonjëherë dhe është ruajtur në mënyrë të shkëlqyer.

Dhe nuk duhet shumë imagjinatë për të parë se kjo do të kishte qenë makina e fundit e vrasjes.

Nofulla gjigante e ngjashme me krokodilin është e mbushur me 130 dhëmbë të mprehtë brisk dhe vrimat shpellore në të dyja anët e kafkës kanë qenë të mbushur me muskuj të mëdhenj.

Studiuesit vlerësojnë se forca e kafshimit të tij ka qenë në të njëjtin diapazon si një T. Rex – duke i dhënë pliosaurit pseudonimin “rex-i i detit”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.