Juventus-i ka arritur të fitojë minimalisht me rezultat 1:0 ndaj Spezia-s, në ndeshjen e javës së 28-të në Serie A.
Alvaro Morata shënoi golin e vetëm të kësaj sfide në minutën e 21-të, i cili u asistua nga Manuel Locatelli.
Në vazhdim të ndeshjes, raste për gol patën dyja skuadrat, sidomos Spezia rrezikoi disa herë portën e bardhezinjëve, por nuk arritën të barazojnë rezultatin.
Spezia në minutën e 85-të kërkoi penallti për shkak të një faulli në zonë, por pas rishikimit të VAR-it, u bë e ditur se ishte korrekte.
Në këtë ndeshje, sulmuesi kuqezi, Rei Manaj luajti për 76 minuta, por ai nuk ishte në ditën e tij më të mirë.
Pas javës së 28-të, Juventus-i gjendet në vendin e katërt me 53 pikë, pesë më pak se lideri Inter-i, ndërsa në xhiron e 29-të do të takohet me Sampdoria-n.
Kujtojmë që xhiro e 28-të në Itali do të mbyllet me derbin e kësaj jave ndërmjet Napolit dhe Milan-it.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
