Një anije mallrash iraniane, e cila besohet se ka qenë baza e paramilitarëve të Gardës Revolucionare, e ankoruar prej vitesh në ujërat e Detit të Kuq në Yemen, është sulmuar.
Lajmin e ka bërë të ditur televizioni shtetëror iranian.
Sipas tyre, sulmi në anijen MV Saviz, është kryer nga Izraeli.
Ky sulm është konfirmuar edhe nga një zyrtar i lartë i SHBA-së.
Kjo goditje vjen ndërkohë që Irani dhe SHBA-ja janë të ulura në tryezën e Vienës, për të biseduar mbi rikthimin e paktit bërthamor të vitit 2015.
Kjo prani e zgjatur e anijes në atë rajon, është kritikuar prej kohësh nga Arabia Saudite. Sipas ekspertëve të Kombeve të Bashkuara, me anë të saj, Irani furnizonte rebelët Houthi të Yemen-it me armë.
Gjithsesi, nga Republika Islamike, kjo gjë është mohuar.
Nga ana tjetër, tek armët e rebelëve yemen-as, janë gjetur gjurmë të cilat lidhen me implikimin e Iranit në tregtinë e tyre.
Justifikimi i pranisë së anijes në këtë rajon, ka qenë “përpjekja iraniane për të ndaluar piraterinë”.
Nga pala izraelite ndërkaq, nuk ka pasur komente mbi këtë ngjarje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
KSHZ: Dalja në zgjedhje presidenciale është 12.87 për qind, në zgjedhjet parlamentare 13.69 për qind
-
Emerging Europe: Përpos sfidave, ekonomia e Shqipërisë zë një vend të mirë
-
Brenda ekstremit të djathtë të Gjermanisë
-
Kurti e cilëson “absurde” kërkesën e Francës dhe Gjermanisë për dërgimin e draftstatutit të Asociacionit në Kushtetuese para anëtarësimit në KiE