Gjashtë palestinezë janë arratisur nga një burg izraelit i sigurisë së lartë të hënën e 6 shtatorit.
Këtë e ka zbuluar policia dhe raportet e mediave izraelite. Të arratisurit janë identifikuar si anëtarë të grupeve militante.
Raportet thanë se pesë nga të burgosurit i përkisnin lëvizjes “Xhihadi Islamik” dhe njëri ishte ish-komandant i një grupi të armatosur të lidhur me partinë kryesore “Fatah”.
Të gjashtë ishin shokë qelie dhe u arratisën nga burgu Gilboa në Izraelin verior.
“Brenda natës, ne morëm një numër raportesh për figura të dyshimta në fushat bujqësore dhe nga shërbimi i burgut, të cilat zbuluan shumë shpejt se të burgosurit mungonin nga qelitë e tyre dhe se gjashtë të burgosur u arratisën”, tha zëdhënësi i policisë kombëtare Eli Levy për Radio Kan.
Levy shtoi më tej se forcat e sigurisë janë vënë në kërkim të burrave.
Autoritetet izraelite besojnë që ata mund të përpiqen të arrijnë në Bregun Perëndimor, në territorin e pushtuar nga Izraeli.
Në këtë zonë, autoritetet palestineze kanë një vetëqeverisje të kufizuar.
Raportet e mediave izraelite identifikuan një nga të burgosurit e arratisur si Zakaria Zubeidi, një ish-komandant i Brigadave të Dëshmorëve Al Aqsa të Fatah-ut në qytetin Jenin të Bregut Perëndimor.
Brigadat kryen sulme vdekjeprurëse kundër izraelitëve gjatë një kryengritje palestineze gjatë viteve 2000-2005.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Putin shkarkon Shoigun dhe cakton një ministër të ri Mbrojtje, në mes të luftës
-
“Abissnet Superiore” për vajza/ Vllaznia mund Apoloninë në finale & shpallet kampione e Shqipërisë për herë të 11-të
-
BE-ja shpreh keqardhje që Siljanovska-Davkova s’e përdori emrin kushtetues gjatë ceremonisë së betimit
-
Kurti: Vrasjet pa dallim moshe e gjinie, dëshmi e gjenocidit serb në Kosovë
Lajmet kryesore
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Greqia përgjigjet ashpër pas betimit të Davkovës si Presidente e “Maqedonisë”: Kursi evropian varet nga Prespa, respektoni marrëveshjen
-
Kurti: Vrasjet pa dallim moshe e gjinie, dëshmi e gjenocidit serb në Kosovë