Italia dhe Spanja do të ballafaqohen sonte në kuadër të gjysmëfinales së parë të Ligës së Kombeve, ndeshje kjo që do të zhvillohet në stadiumin “San Siro” të Milanos.
Të dyja skuadrat vijnë në këtë takim me një memorie të freskët, pasi që rreth tre muaj më herët ato u përballen në gjysmëfinalen e Kampionatit Evropian “Euro 2020”, të cilën e fitoi Italia me anë të ekzekutimit të penalltive.
Italia vjen në këtë sfidë pas një rekordi fantastik, ku djelmoshat e Roberto Mancini-t nuk janë mposhtur në 37 ndeshje radhazi.
Në anën tjetër spanjollët do të kërkojnë hakmarrje për atë eliminim që ia shkaktuan të kaltrit në Evropianin e zhvilluar pak muaj më parë.
Trajneri i Italisë, Roberto Mancini, ka vendosur që për këtë sfidë të startojë me formacionin e njëjtë sikur në përballjen e kaluar, mirëpo mungesë kryesore e të kaltërve do të jetë sulmuesi i Lazio-s, Ciro Immobile, të cilin do ta zëvendësojë Federico Bernardeschi.
Në anën tjetër Luis Enrique do të luajë me Oyarzabal, Sarabia dhe Ferran Torres në sulm, kurse Alvaro Morata nuk ka arritur të rikuperohet plotësisht.
Formacionet zyrtare:
Italia: Donnarumma; Di Lorenzo, Bonucci, Bastoni, Emerson; Barella, Jorginho, Verratti; Chiesa, Insigne, Bernardeschi.
Spanja: Unai Simon; Azpilicueta, Laporte, Pau Torres, Marcos Alonso; Koke, Busquets, Gavi; Sarabia, Ferran Torres, Oyarzabal.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Zgjedhjet: Deri në ora 17:00 votuan 46.93% për parlamentare, 42.33% për presidenciale – arrihet censusi
-
Banka e Shqipërisë nuk e ndryshon normën bazë të interesit, Sejko thotë se inflacioni po bie
-
Rama ‘sfidon’ drejtësinë e SPAK të zbardhë të vërtetën, pasi Bardhi tha se është thirrur të dëshmojë për çështjen e “rihapur” ndaj Olsi Ramës
-
Gërvalla: Evropa të përgatitet për konflikt në rast se Rusia s’e humb luftën ndaj Ukrainës