Një skenar në limitet e inercisë së filmave është regjistruar gjatë ndërrimit të viteve në burgun e Vercelli-t të Italisë.
Protagonistë kanë qenë dy të burgosur shqiptarë, të cilët janë përpjekur të arratisen me çarçafë nga qelia e tyre.
Mediat italiane zbulojnë se vetëm njëri prej tyre ia doli mbanë të arratisej.
Ai ishte në burg pasi kishte grabitur një vilë.
Rindërtimi i arratisjes pikënis me sharrimin e hekurave të dritares.
Më pas, dy shqiptarët kanë zbritur me çarçafë nga kati i katërt.
Jashtë i prisnin bashkëpunëtorët që kishin kompromentuar portën.
Shoku i qelisë, gjithashtu me origjinë shqiptare, u arrestua.
Ky i fundit, sipas raportimeve, dyshohet se ka thyer krahun teksa zbriste.
Agjencia italiane e lajmeve ANSA ka kontaktuar me komandantin e policisë së burgut të qytetit piemontez.
Nicandro Silvestri deklaroi se “ka vite që nuk ka survejim të jashtëm sepse muri i burgut është i papërdorshëm”.
Donato Capece, sekretar i përgjithshëm i sindikatës së policisë së burgjeve, e ka konsideruar arratisjen “të paralajmëruar”.
Sindikata, bën me dije sekretari, ka disa kohë që denoncon asgjësimin e sigurisë së brendshme në burgjet italiane.
Sipas Capece-s, heqja e rojeve nga mbikëqyrja e mureve të burgjeve është shkaku kryesor.
Ai doli në përfundimin se arratisja nuk do kishte ndodhur, nëse do ishin dëgjuar ankesat e tyre.
Sekretari rendit mungesën e stafit të policëve të burgjeve apo mungesën e fondeve për shërbimet kundër ndërhyrjes dhe ngjitjes.
“Kjo”, përmbyll Capece, “është pasojë e çmontimit të politikave të sigurisë së burgjeve dhe e mungesës së personelit të policisë penitenciare”.
Kjo e fundit, sipas sekretarit, ka 7 mijë agjentë më pak.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ilir Meta është presidenti i Partisë së Lirisë
-
Ndërtimi i TEC-it në Roskovec, Balla: Investim strategjik, zero risk për mjedisin
-
Asunta, historia e vërtetë e vajzës 12-vjeçare të vrarë nga prindërit e saj: Burri i maskuar, qetësuesit, pornografia aziatike dhe varri pa emër
-
Arrestohet një serb në Bërnjak, dyshohet për krime lufte