A mund të kishte vepruar Hamasi i vetëm?
Sipas gazetës amerikane “The Wall Street Journal”, zyrtarët iranianë të sigurisë ndihmuan në planifikimin e sulmit të papritur të Hamasit ndaj Izraelit të shtunën e 7 tetorit dhe i dhanë dritën jeshile sulmit gjatë një takimi në Bejrut të hënën e kaluar.
WSJ-ja ka biseduar me anëtarë të lartë të Hamasit dhe Hezbollahut, një tjetër grup militant i mbështetur nga Irani.
Kjo aleancë do të ishte vulosur në gusht për të zhvilluar inkursione ajrore, tokësore dhe detare.
Disa takime në Bejrut do të kishin bërë të mundur përsosjen e ofensivës, në të cilën do të kishin marrë pjesë oficerët e Korpusit të Gardës Revolucionare Islamike.
“Ne nuk kemi asnjë informacion në këtë moment për të vërtetuar këtë narrativë”, tha një zyrtar amerikan për takimet.
Nga ana e tij, Mahmoud Mirdawi, një zyrtar i lartë i Hamasit, tha se grupi i kishte planifikuar sulmet vetë.
“Ky është një vendim i Palestinës dhe i Hamasit”, tha ai.
“Ne nuk jemi të përfshirë në përgjigjen e Palestinës, pasi ajo vendoset vetëm nga vetë Palestina”, u shpreh një zëdhënës i misionit iranian në Kombet e Bashkuara.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE