Teherani zyrtar është gati të rikthehet në bisedime për tryezën bërthamore me SHBA-të, pas një shkëputje të gjatë, sipas ministrit të Jashtëm iranian, Hossein Amir-Abdollahian.
Rifillimi i negociatave madje, mund të jetë çështje ditësh mes dy shteteve, ku ndërmjetësuese do të jenë vendet e Bashkimit Evropian.
“Ju konfirmoj se jemi gati të rifillojmë negociatat pas disa ditësh”, deklaroi Hosseini pas një takimi me përfaqësuesin e lartë evropian, Josep Borrell, në Teheran.
Vetë Abdollahian, e ka bërë një deklaratë të ngjashme në shtator 2021, kur tha se do të kishte rikthim të bisedimeve me SHBA-të, për sa i përket marrëveshjes bërthamore.
Mirëpo, asokohe, ai e saktësoi se koncepti i Iranit për “së shpejti”, ndryshonte nga koncepti i SHBA-ve.
Këtë gjë ndërkaq, nuk e ka bërë tani shefi i diplomacisë iraniane, pasi e ka saktësuar se do të jetë çështje ditësh, në fjalën e tij.
Vetë evropianët, kanë kërkuar të ndërmjetësojnë bisedimet duke konkretizuar kthimin në termat e marrëveshjes së vitit 2015.
Kjo e fundit, është revokuar me ardhjen në pushtet të Donald Trump, i cili e zhbëri marrëveshjen dhe tensionoi raportet me Iranin në nivele historike.
Trump i tërhoqi SHBA-të në vitin 2018 nga ujdia dhe rivendosi sanksionet ndaj Iranit, të cilat Washington-i kishte hequr si pjesë e marrëveshje të 2015-ës.
Teherani veproi po njësoj.
Më pas, me ardhjen në pushtet të Joe Biden, u kërkua shumë herë ulja në tryezë me Iranin.
Mirëpo, asnjëherë, nuk u gjet gjuha e përbashkët për të nisur zyrtarisht bisedimet kokë më kokë mes palëve.
Më pas, Teherani filloi të ushtronte aktivitet duke e pasuruar uraniumin që prodhon dhe duke e çuar në nivele deri në 20%, të cilat rritën frikën ndërkombëtare se vendi i Lindjes së Mesme mund të tentojë prodhimin e armëve bërthamore.
Prej asaj kohe, BE-ja ka pasur përpjekje të pasuksesshme ndërmjetësimi.
Tashmë, pritet se si do të mund të zhvillohet ky raund i ri bisedimesh.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Haradinaj: Sunduesve i pengon liria e shprehjes, liria e mediave
-
Kosova bie për 19 pozita në lirinë e medias, Rohde: Alarmante, mediat s’duhet të kontrollohen
-
Manja ‘kërkon’ sërish dorën e opozitës për kërkesat nga SPAK
-
Bajrami: LVV është kundër mediave, indeksi i “Reporterëve pa Kufij” është alarmant
Lajmet kryesore
-
Kosova shënon regres për 19 vende në indeksin e “Reporterëve pa Kufij” – gazetarët vazhdojnë të jenë cak i sulmeve politike
-
“Reporterët Pa Kufij”: Liria e shtypit në Shqipëri po kërcënohet nga politika
-
Një darkë në Elysee për të bindur Scholz-in për Kinën
-
Manja ‘kërkon’ sërish dorën e opozitës për kërkesat nga SPAK