“Illusion”, prurja më e re muzikore nga Dua Lipa

Artistja shqiptare me famë internacionale Dua Lipa e di se çfarë meriton dhe është gati ta marrë atë në videoklipin e këngës së saj të re të kërcimit, “Illusion”.

Lipa, më 11 prill, publikoi këngën e tretë të albumit të saj të shumëpritur të ardhshëm, “Radical Optimism”, së bashku me video të xhiruar në Barcelonë të Spanjës.

Videoja nis me Duan, e cila shihet duke kërcyer përkrah disa burrave, dhe klipi vazhdon edhe me skena të tjera që kryesisht shfaqin artisten duke vallëzuar me njerëz të shumtë.

Në një nga skenat, pasi ajo është ngjitur në një kullë burrash, videoja përfundon me Lipën që vështron kamerën teksa këndon: “Mendoni se do të bie në një iluzion?”

Kënga është ajo që Lipa tha se “theu akullin” për albumin e ri, pasi ishte projekti i parë që ajo punoi me bashkëpunëtorët e saj Caroline Ailin, Danny L. Harle, Tobias Jesso Jr. dhe Kevin Parker.

E njëjta është një plotësues i përsosur për albumin e saj të ardhshëm, i cili, sipas një njoftimi për shtyp, prek “gëzimin dhe lumturinë e pastër për të pasur qartësi në situata që dikur dukeshin të pamundura për t’u përballur”.

Projekti ka qenë në punë për një kohë të gjatë, pasi Lipa më parë tregoi se ajo filloi të punonte për të në vitin 2021.

“Kam filluar të shkruaj për këtë album në vitin 2021, dhe thjesht doja të shkruaja idetë e mia”, pati thënë ajo.

Duke vënë në dukje se ajo shkroi gjithsej 97 këngë për projektin, ajo tha me shaka se “rreth 80 prej tyre” nuk ishin në nivelin e duhur.

“Në momentin e dytë që shkruaj një këngë, e di nëse është e mirë apo jo – ose nëse është afër të jetë e mirë, dhe më pas do ta ripunoja”, tha Lipa.

Dua Lipa zbulon krejt çfarë duhet të dimë mbi albumin e saj të ri të ardhshëm “Radical Optimism”

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.