Prej disa ditësh, Drejtoria Rajonale e IKMT-së Berat është duke ushtruar kontrolle në të gjithë territorin e qarkut, mbi subjektet që ushtrojnë aktivitetin e shitjes dhe çmontimit të mjeteve në fund të jetës.
Kontrollet kanë filluar në zbatim të Urdhrit Nr.44 të datës 16.02.2024 të Ministrit të Brendshëm, për largimin e mjeteve motorike të dala jashtë funksionit nga pikat e tregtimit të pjesëve të këmbimit.
Inspektorët janë duke kontrolluar të gjitha pikat ku tregtohen pjesë këmbimi të përdorura automjetesh, në të gjithë qarkun e Beratit.
Kontrollet e këtij inspektoriati po kryhen në bashkëpunim me Drejtorinë Vendore të Policisë Berat.
Sakaq, subjekteve ju është komunikuar paraprakisht t’i heqin vullnetarisht automjetet e shkatërruara nga ambientet e jashtme të bizneseve të tyre, duke mbajtur për tregtim vetëm pjesët e automjeteve të dëmtuara.
Mësohet se shumica e subjekteve i janë përgjigjur këtij urdhri, duke i hequr vullnetarisht mjetet e shkatërruara nga ambientet e jashtme të bizneseve të tyre.
Kurse në të tjera subjekte mjetet janë hequr nga policia dhe IKMT-ja me vinça e mjete transporti.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Strategjitë dhe metodat e shpërndarjes së lajmeve të rreme për keqinformim – Si i përdor Kremlini?
-
Shpërthim me lëndë plasëse në banesën e gjyqtarit në Shkodër
-
Sa herë që jemi pranë marrëveshjes, ka sabotazh nga të dyja palët: Izraeli dhe Hamasi janë fajtorë, thotë Katari
-
“Do të mund ta padisin Serbinë në Gjykatën Evropiane pas anëtarësimit në KiE”, Osmani për familjarët e të zhdukurve
