Ushtria izraelite konfirmon pretendimet se ushtarët gjetën një flamur të grupit xhihadist të Shtetit Islamik në jelekun e një terroristi të vrarë gjatë një sulmi në Kibbutz Sufa, afër kufirit të Gazës.
IDF publikoi po ashtu një foto që tregon trupat që mbajnë flamurin.
Lajmi u bë i ditur nga agjencia “The Times of Israel”.
Të mërkurën, një kanal Telegram i quajtur “South First Responders”, i cili ka shpërndarë pamje tronditëse nga skenat në kibuci dhe zona të tjera të shkatërruara në sulmin e së shtunës, publikoi imazhe që tregojnë flamurin e Shtetit Islamik.
Zyrtarët izraelitë e kanë lidhur vazhdimisht Hamasin me IS-in pas sulmit, megjithëse krahasimi shihet kryesisht si një përpjekje për të shpjeguar tmerrin e mizorive dhe nivelin e shthurjes ndërsa Izraeli mbledh mbështetjen për kundërsulmin e tij ndaj grupit me bazë në Gaza.
Lidhjet aktuale midis Hamasit dhe IS-it – i cili është shkatërruar në masë të madhe dhe është bërë i parëndësishëm gjatë disa viteve të fundit – janë më të vështira për t’u gjetur.
Një degë e IS-it në Sinai, Ansar al-Bayt al-Maqdis, mendohet gjithashtu se ka pak lidhje me Hamasin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
BE e gatshme të mbrojë ekonominë, i thotë shefja e bllokut Kinës
-
Shqetësime për konflikt interesi rreth eurodeputetëve dhe punëve të tyre të dyta
-
Bajrami, Qeverisë: Ia keni humbur Kosovës 4 vjet – 128 milionë euro më pak investime kapitale
-
Ngjarja tragjike në Shkodër, gjendet trupi i fëmijës së dytë
Lajmet kryesore
-
Veliaj pretendon sërish se ‘takimin me SPAK e ka kërkuar vetë’
-
Ngjarja tragjike në Shkodër, gjendet trupi i fëmijës së dytë
-
BE e gatshme të mbrojë ekonominë, i thotë shefja e bllokut Kinës
-
Kurti, ambasadorëve të QUINT-it: Normalizimi i marrëdhënieve me Serbinë s’duhet të përzihet me anëtarësimin e Kosovës në KiE
