I shumëkërkuari, Armando Broja

Gazeta “Goal” raporton se sulmuesi shqiptar, Armando Broja, i cili ka qenë i huazuar në Southampton këtë sezon, po tërheq interes nga AC Milan, Inter, Napoli, Newcastle dhe West Ham.

20-vjeçari, ka impresionuar gjatë periudhës së huazimit, ku ka shënuar nëntë gola në 38 paraqitje.

Por sulmuesi shqiptar nuk është i sigurt për të ardhmen e tij në Stamford Bridge dhe mund të bindet të lëvizë nëse një klub ofron rreth 25 milionë funte për shërbimet e tij.

Duke folur së fundmi për të huazuarit e tij, Tuchel dha pikëpamjen e tij se çfarë do t’i duhet Broja, së bashku me Conor Gallagher të Crystal Palace.

“Së pari, ata do të kthehen sepse janë lojtarët tanë”, tha Tuchel. “Kur i japim në huazim, ne e bëjmë këtë për ta, por edhe për ne që të kemi lojtarë më të mirë dhe më me përvojë. Ata janë lojtarët tanë dhe unë dua t’i kem në para-sezon dhe më pas ne vendosim se çfarë do të ndodhë”.

“Është shumë herët për të parashikuar të ardhmen për ta duke pasur parasysh rolin e të gjithë sezonit, por ata do të kthehen për para-sezon, kjo është e sigurt.”

Ai dha më shumë detaje për pikëpamjen e tij për Brojën në janar: “Armando po bëhet gjithnjë e më i mirë.

“Ai është një lojtar shumë unik me disa pika të forta shumë unike në lojën e tij. Shpejtësia e tij, ai është i fortë. Ai është një golashënues”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.