Hoxha në Këshillin e Sigurimit: Mirëpresim intensifikimin e procesit të normalizimit Armeni-Azerbajxhan

Ambasadori Ferit Hoxha ka mbajtur fjalën e tij në mbledhjen e Këshillit të Sigurimit për procesin e normalizimit Armeni – Azerbajxhan.

Ai ka theksuar se vendi mirëpret dhe përshëndet intensifikimin e procesit të normalizimit Armeni-Azerbajxhan.

“Ne mirëpresim angazhimin e të dyja palëve për një plan negociues afatgjatë për një marrëveshje paqeje gjithëpërfshirëse”, ka thenë ai.

Po ashtu ambasadori ka thenë se “ne mirëpresim planet për ndërtimin e një lidhjeje hekurudhore, e cila duhet të bëhet pa vonesa”.

“Ne duam të besojmë se palët do të jenë të shpejta për të marrë ofertën dhe gatishmërinë e BE-së për të kontribuar financiarisht për këtë project”, ka vijuar ai.

Sipas Hoxhës, krijimi i lidhjes hekurudhore mund të provojë një masë të fortë të ndërtimit të besimit dhe të simbolizojë bashkëpunimin për të avancuar interesat e përbashkëta, duke hedhur bazat për bashkëpunim të mëtejshëm diplomatik dhe ekonomik midis Azerbajxhanit dhe Armenisë.

“Kjo është ajo që kanë nevojë të dy vendet, ajo që meritojnë popullsitë e tyre dhe ajo që duhet të ketë rajoni”, ka shtuar ai.

Teksa  secila palë zhvillon narrativën e saj mbi situatën, sipas tij, një aspekt godet më shumë se çdo gjë: një mungesë e thellë besimi midis palëve mbi mënyrat më të mira për t’u marrë me situatat e qytetarëve azerbajxhanas me origjinë armene që jetojnë në vend, dhe në nevojë urgjente që palët të mblidhen dhe të punojnë seriozisht për të zgjidhur të gjitha çështjet e ndërlidhura.

“Ne përsërisim qëndrimin tonë parimor se nevojat humanitare nuk duhet të politizohen; ato nuk duhet të përdoren për të rezonuar ankesa të tjera.

Nevojat humanitare duhet të plotësohen vetëm”, ka veçuar ai.

Gjithashtu Hoxha ka theksuar se “ne inkurajojmë fuqimisht përpjekjet nga të dyja palët për të siguruar plotësimin e nevojave të popullsisë”.

Në një perspektivë më të gjerë, ai argumenton se palët duhet të punojnë me një ndjenjë urgjence për t’u marrë me të gjitha çështjet e tjera, për të përcaktuar kufirin, minimin dhe demilitarizimin e tij, nëpërmjet bashkëpunimit në mirëbesim, për të ofruar ndjenjën e nevojshme të sigurisë, për të shmangur aksidentet dhe incidente të cilat mund të çojnë shpejt në rritje të tensioneve dhe përplasjeve.

“Palët duhet të shmangin spekulimet e panevojshme dhe retorikën e shtuar dhe mbi të gjitha t’i shërbejnë qëllimit kryesor: të avancojnë drejt ndërtimit të një të ardhmeje në bashkëpunim dhe miqësi”, ka përmbyllur fjalën Hoxha.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.