Dy drejtuesve të tabloidit me bazë në Hong Kong “Apple Daily” iu mohua garancia për t’u gjykuar të lirë, të shtunën e 19 qershorit, nga gjykata e Magjistraturës. Ata akuzohen sipas një ligji të sigurisë kombëtare që Kina ka vendosur ndaj lirisë së shtypit në Hong Kong.
Kryeredaktori Ryan Law, 47 vjeç dhe CEO i “Next Digital”, Cheung Kim-hung, 59 vjeç, u paraqitën në mëngjes herët në Gjykatat e Magjistraturës West Kowloon për seancën e tyre të parë.
Ata përballen me akuza të “bashkëpunimit me një vend të huaj ose me elementë të jashtëm për të rrezikuar sigurinë kombëtare”.
Ligji i sigurisë kombëtare u vendos pas protestave masive në vitin 2019.
Çfarë ka ndodhur?
Law dhe Cheung u arrestuan së bashku me tre drejtues të tjerë të “Apple Daily”. Përkatësisht shefi i Operacioneve Chow Tat-kuen, zëvendës kryeredaktori Chan Puiman dhe kryeredaktori Ekzekutiv, Cheung Chi-wai, u lanë të lirë me kusht në pritje të një hetimi më të detajuar.
Më shumë se 500 oficerë policie bastisën redaksinë e botimit të enjten. Ata sekuestruan kompjuterë, disqe dhe bllok shënimesh.
Nga ana tjetër autoritetet ngrinë pasuritë e gazetës me vlerë 2.3 milionë dollarë (1.94 milion €).
Reagimi i opinionit publik
Të premten e 18 qershorit, gazeta me frymë demokratike “Apple Daily”, rriti shtypjet e saj me 500 mijë kopje.
Banorët e Hong Kong-ut treguan mbështetje për lirinë e shtypit “të shtypur”.
Përpara seancës, turmat ishin mbledhur jashtë gjykatës për të shprehur mbështetjen e tyre për botimin. Disa njerëz mbanin çadra të verdha ose kishin veshur bluza “Apple Daily” që shkruanin: “Pa frikë, luftoni”.
“Apple Daily”, nën pronarin e saj të burgosur Jimmy Lai, ka qenë kritik ndaj rritjes së kontrollit të Kinës mbi Hong Kong-un.
Gazeta ka qenë gjithashtu e qartë në mbështetjen e saj për lëvizjen pro-demokracisë të rajonit gjysmë-autonom, e cila e ka vënë atë në kundërshtim me Pekinin.
Por kjo është hera e parë që artikujt e botuar nga një media e Hong Kong-ut kanë prekur ligjin e diskutueshëm të sigurisë që u vendos nga Kina vitin e kaluar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit
