Gazeta në Hong-Kong rrit shitjet pas arrestimit të redaktorëve

Të premten e 18 qershorit, gazeta me frymë demokratike “Apple Daily”, rriti shtypjet e saj me 500 mijë kopje.

Banorët e Hong Kong-ut treguan mbështetje për lirinë e shtypit “të shtypur”.

Solidarizimi vjen një ditë pasi policia arrestoi pesë redaktorë dhe drejtues të lartë të “Apple Daily”. Ajo ka ngrirë asetet e saj me vlerë 2.3 milionë dollarë, me akuzat e sigurisë kombëtare.

Kjo ishte hera që ligji i sigurisë kombëtare, i vendosur nga Pekini në Hong-Kong, u përdor kundër medias.

Bastisja në zyrat e gazetës, është një nga shtypjet e lirive civile në qytetin gjysmë-autonom.

Ndërkaq, Policia ka deklaruar se redaktorët u arrestuan nën dyshimin e bashkëpunimit të huaj. Sipas tyre, kjo rrezikon sigurinë kombëtare.

Me shuarjen e protestave anti-qeveritare, shumica e aktivistëve të shquar pro-demokracisë së qytetit janë burgosur.

“Tashmë ka shumë padrejtësi në Hong Kong. Unë mendoj se ka shumë gjëra që nuk mund t’i bëjmë më”, tha banorja Lisa Cheung.

“Blerja e një gazete është gjithçka që mund të bëjmë. Kur ligji nuk mund të mbrojë më njerëzit e Hong Kongut, ne mbetemi të bëjmë vetëm atë që mundemi”.

Faqja e parë e edicionit të së premtes kishte në ballinën e saj imazhet e pesë redaktorëve dhe drejtuesve të lartë në pranga.

Një tjetër banor, William Chan, tha se bleu një kopje të letrës si një mbështetje.

“Ishte një arrestim i pabazë që ‘shtyp’ lirinë e shtypit”, tha ai.

Ligji i sigurisë kombëtare u vendos pas protestave masive në 2019.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.