Hong Kong, Kina miraton reformat zgjedhore

Të martën e 30 marsit, u raportua se organi më i lartë vendimmarrës, Komiteti i Përhershëm i Kongresit Popullor Kombëtar (KPK), votoi unanimisht për disa ndryshime në anekset e mini-kushtetutës së Hong Kongu-t. Konkretisht do të zhvillojë reforma në Ligjin Themelor.

Detajet e planit pritet të shpallen së shpejti dhe udhëheqësja e Hong Kongu-t, Carrie Lam, pritet të mbajë një konferencë për shtyp.

Parlamenti i Pekinit më 11 mars, miratoi rezolutën “patriotë që qeverisin në Hong Kong” gjatë takimeve të KPK-së.

Kina ka kaluar ndryshime gjithëpërfshirëse në rregullat zgjedhore të Hong Kongut të cilat do të forcojnë kontrollin e saj mbi qytetin.

Numri i vendeve të zgjedhura drejtpërdrejtë në parlament është shkurtuar pothuajse përgjysmë, dhe deputetët e ardhshëm së pari do të verifikohen nga një komitet pro-Pekinit për të siguruar besnikërinë e tyre në kontinent.

Qëllimi është që të sigurohet se vetëm figurat “patriotike” mund të garojnë për pozicionet e pushtetit.

Reagimi i ndërkombëtarëve

Këto ndryshime kanë tërhequr vëmendjen e ndërkombëtarëve.

Kritikët paralajmërojnë se kjo do të thotë fundi i demokracisë në Hong Kong.

Kjo do të heq të gjitha kundërshtimet e mundshme që mund të paraqiteshin në parlament.

I gjithë kundërshtimi ndaj Partisë Komuniste Kineze, është zhdukur në mënyrë efektive nga politika zyrtare në Hong Kong.

Në median sociale Twitter, Ministrja e Jashtme e Australisë, Marise Payne, foli për shqetësimin që kishte rreth ndryshimeve të reja që ndodhën në territor, dhe këto do të “dobësonin institucionet e saj demokratike”.

Sekretari i Shtetit i Shteteve të Bashkuara te Amerikës, Antony Blinken, i përshkroi lëvizjet si një “sulm ndaj demokracisë”.

“E vërteta është, sistemi zgjedhor i qytetit ishte manipuluar tashmë për të siguruar që kampi ‘pro-Pekinit’ nuk mund të humbte kurrë kontrollin e mini-parlamentit, Këshillit Legjislativ”.

Udhëheqësi i tij, shefi ekzekutiv, u zgjodh tashmë drejtpërdrejtë nga një komitet pro-Pekinit.

Herën e fundit që u mbajtën zgjedhjet e vetme reale në Hong Kong, kampi pro-demokracisë mori kontrollin e të gjithë Legjislativit, përveç një këshilli rrethi.

Kjo e spikati qartë Pekinin, kështu që tani ata kanë ndaluar kandidatët pro-demokracisë që të përfaqësojnë parlamentin.

Cilat janë ndryshimet dhe çfarë kuptimi kanë ato për Hong Kongun?

Këshilli Parlamentar i Legjislacionit të Hong Kongu-t (LegCo) do të ndryshohet, duke e bërë më të lehtë ndalimin e politikanëve, që konsiderohen kritikë ndaj Pekinit.

Të gjithë kandidatët e ardhshëm do të verifikohen dhe ndikimi i anëtarëve të zgjedhur në mënyrë demokratike në LegCo ka të ngjarë të zbehet.

Ndryshimet vijnë muaj pasi disa ligjvënës të opozitës u skualifikuan, gjë që çoi në dorëheqjen e të gjithë opozitës në LegCo.

Zgjedhjet lokale do të mbahen gjatë vitit 2021, megjithëse nuk është ende e qartë se kur do të hynë në fuqi këto reforma.

Historia e Hong Kongu-t

Hong Kongu, një ish-koloni britanike, iu rikthye Kinës në vitin 1997. Britani-Kinë bënë marrëveshjen e dorëzimit mbi një Ligj Themelor nën parimin “një vend, dy sisteme”.

Kjo në thelb i jep Hong Kongut më shumë liri, të cilat supozohet të qëndrojnë të paprekura deri në vitin 2047.

Por në vitet e fundit Pekini gradualisht ka rritur ndikimin e tij në Hong Kong.

Pas viteve të protestave pro-demokracisë, demonstrata të reja në vitin 2019 u përshkallëzuan në valë të dhunës midis aktivistëve dhe policisë .

Në vitin 2020, Pekini miratoi një ligj të diskutueshëm të sigurisë kombëtare, gjithashtu duke e shtuar atë në një aneks të Ligjit Themelor, i cili uli në thelb autonominë gjyqësore të Hong Kongu-t dhe e bëri më të lehtë dënimin e demonstruesve.

Që atëherë, një varg kritikësh janë arrestuar sipas ligjit, i cili mbart burgim të përjetshëm si një dënim maksimal.

Kritikët kanë pohuar se me këto lëvizje për të pohuar më shumë kontroll mbi Hong Kong, Kina po minon parimin “një vend, dy sisteme”, por Pekini e mohon këtë.

Ka polemika se reformat zgjedhore “patriotë” ndryshojnë Ligjin Themelor dhe shkelin marrëveshjen e dorëzimit.

Ndërsa kampi pro-Pekin i Hong Kongut thotë se ndryshimet nuk kanë ndikim në mini-kushtetutë, pasi vetëm anekset e saj po ndryshohen. Ndërsa pala pro-demokracisë këmbëngul se po shkelet marrëveshja.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.