Është hedhur shorti për sezonin e ardhshëm në Premier Leauge-n angleze.
Kampionët në fuqi, Mancehster City, do të përballen me Burnley-n në ndeshjen e parë, klub ky që drejtohet nga ish-legjenda e tyre, Vincent Kompany.
Sezoni i ri do të fillojë në më pak se dy muaj, me ndeshjen e parë të fushatës së re të vendosur të premten e 11 gushtit.
Kjo ndeshje do të zhvillohet mes Burnley-t të sapopromovuar dhe fituesit në fuqi të “tripletës”, Manchester City në “Turf Moor” – që do të thotë një përplasje ditën e hapjes kundër ish-klubit të tij për Kompany-n.
Ndërkohë, kryendeshja e kësaj jave ka të ngjarë të jetë ajo mes Chelsea-t dhe Liverpool-it.
📣 #PLFixtures for the 2023/24 season have arrived!
— Premier League (@premierleague) June 15, 2023
Ndërsa “The Reds” kërkuan që ndeshjen e tyre hapëse të ishin larg “Anfield” për shkak të punimeve në stadium, ajo ndeshje do të zhvillohet në “Stamford Bridge” të Londrës.
Fillimi i hershëm të shtunën e sheh Arsenalin të presë Nottingham Forest-in në “Emirates Stadium”, ndërsa skuadra e Mikel Arteta -s kërkon të nisë një tjetër sfidë për titullin e Premier League.
Më pas vendosen katër ndeshje për slotin tradicional të së shtunës në orën 16:00. Dy skuadra të sapopromovuara janë në veprim, me Luton-in që po përballet me një udhëtim të vështirë në Brighton dhe Sheffield United që pret Crystal Palace-n.
Newcastle më pas pret Aston Villa në 18:30, gjithashtu një ndeshje e madhe e javës hapëse në elitën e futbollit anglez.
Dy ndeshje janë caktuar për të dielën, duke përfshirë Chelsea – Liverpool dhe Brentford – Tottenham.
Ndërkohë, do të zhvillohet edhe një sfidë e vetme të hënen, ku Manchester united do ta presë në shtëpi skuadrën e Wolves.
Java e parë:
E premte, 11 gusht
Burnley – Manchester City
E shtunë, 12 gusht
Arsenal – Nottingham Forest
Bournemouth – West Ham
Brighton – Luton Town
Everton – Fulham
Sheffield United – Crystal Palace
Newcastle United – Aston Villa
E diel, 13 gusht
Brentford – Tottenham Hotspur
Chelsea – Liverpool
E hënë, 14 gusht
Manchester United – Wolverhampton Wanderers
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit