Haziri për VV-në: Mbrojtësit më të mëdhenj të Sanduloviç-it, pak reaguat për arrestimin e ushtarit të UÇK-së
Lutfi Haziri, nënkryetar i Lidhjes Demokratike të Kosovës (LDK), ka thënë se Lëvizja Vetëvendosje – partia që ka pushtetin në Kosovë – u bënë mbrojtësit më të mëdhenj të ish-kandidatit për president të Serbisë, Nikolla Sanduloviç-it, ndaj të cilit u raportua se Agjencia e Sigurimit dhe Inteligjencës Serbe (BIA), ushtroi dhunë brutale, por thekson se nuk pati shumë reagime për arrestimin e ish-pjesëtarit të Ushtrisë Çlirimtare të Kosovës, Hasan Dakaj, mëngjesin e së premtes në pikëkalimin kufitar me Serbinë, në Merdar.
Përmes një postimi në Facebook, Haziri potencoi se “nuk është i ri fenomeni i rrahjeve brutale, burgosjes e poshtërimit për motive politike në Serbi. Ata që rrezikojnë pushtetin njëmend, i vrasin”.
“Ne e kemi provuar me lëkurën tonë këtë, por risia është që krejt VV janë çu në këmbë me reagime e solidaritet me të, por nuk pati shumë reagime për arrestimin e ushtarit të UÇK-së”, shkroi.
“Kryeministri, ministra, deputetë, madje edhe RTK, u bënë mbrojtësit më të mëdhenj të Nikola Sandulovic (apo Dimitrije Tucoviç i Albin Kurtit të VV-së), por jo edhe RTK2”, theksoi ai.
Reaguan, pohoi nënkryetari i LDK-së, “kinse në mbrojte, por sa herë e përmendin këta të VV-së, ata e rrahin edhe më keq!”.
“Urime krishtlindjen ortodokse gjithë besimtarëve. Le të jetë një vit me shëndet e të mirat e Zotit!”, përfundoi ai.
Shqetësim në Kosovë për gjendjen e Sanduloviç-it, heshtje në Serbi
Ish-pjesëtari i UÇK-së arrestohet nga autoritetet serbe në Merdar
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Beleri nga burgu thotë se Rama po kërkon të sfidojë Greqinë
-
Vuletiç: Politikanët në Serbi e dinë se s’ka më njerëz që luftojnë për Kosovën
-
Homazhi i zgjuar i Angelina Mango për Palestinën, një ‘minifitore’ më vete në Eurovision
-
“Do të jem presidente e të gjithëve”, betohet Gordana Silanovska-Davkova si presidente e Maqedonisë së Veriut
Lajmet kryesore
-
Rama: Shqipëria s’ka asnjë pretendim ndaj Greqisë, veç respektit
-
Beleri nga burgu thotë se Rama po kërkon të sfidojë Greqinë
-
Mitsotakis dhe Erdogan do të diskutojnë të ardhmen e marrëdhënieve greko-turke
-
Një muaj paraburgim për Miletiç-in – lëndoi dhjetëra ushtarë të KFOR-it, policë dhe gazetarë në Veri