Rrugëtimi i saj si kinematografe nuk kishte shumë që kishte filluar, por në vitin 2019, ajo u shpall një ndër profesionistet më premtuese të fushës nga revistat prestigjioze amerikane.
Vendi që ajo donte më shumë, seti i xhirimit, ishte pikërisht vendi i fundit, të cilin ajo do të shihte në këtë botë.
“E pabesueshme!”. Kështu e përshkroi me një fjalë të vetme, vdekjen e Halyna-s, regjisori dhe miku i saj, Adam Egypt. “Njerëzit kishin filluar ta njihnin atë dhe punën e saj. Fakti se u shua kështu, është i pakapërdishëm”.
Drerë dhe nëndetëse bërthamore
Hutchins kishte lindur në Ukrainë në vitin 1979. Por, ajo u rrit në një bazë ushtarake sovjetike, në rrethin Arktik.
Sipas të dhënave që gjenden në faqen e saj zyrtare në internet, ajo e përshkruan fëmijërinë e saj me dy fjalë: Drerë dhe nëndetëse bërthamore. Kështu qe rritur Halyna në acarin e polit verior.
Industrisë së filmit, ajo iu shtua në vitin 2015, pasi u diplomua në Los Angeles nga Instituti Amerikan i Filmit. Më parë, Halyna kishte përfunduar shkollën për gazetari në Kiev.
Ndaj, kjo, ishte një mundësi e re në jetën e saj.
Shkallët e Hollywood-it po i ngjiste ashtu, me vështirësi, si çdokush. Kishte arritur boll në pak vite, duke punuar në filma me rëndësi, si për shembull ‘Blindfire’ apo ‘Darlin’.
Asaj i pëlqente aksioni dhe horrori, ku dhe jepte më të mirën si kineaste.
“Ishte një sfidë e vërtetë të bëje ç’të mundje me aq sa të gjendej nga buxheti. Por Halyna dinte çfarë bënte dhe si punonte. Ishte mbresëlënëse të shihje si po rritej si artiste”, vijon Egypt rrëfimin mbi të.
Me hetimet në rrugë e sipër, do të shihet më gjerë se si ky aksident ndodhi. Por një gjë, është e sigurt: Hollywood-i humbi një yll në rritje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“The Fall Guy” nuk arrin lartësitë e nevojshme për të bërë një spërkatje vërtet të madhe
-
Amy Schumer dhe Jennifer Lawrence synojnë të sjellin një film, por jo komedinë e premtuar vite më parë
-
Vajza e Beyonce dhe Jay Z, Blue Ivy Carter debuton në botën e filmave
-
Meryl Streep bën shaka duke thënë se Nicole Kidman është aq e mirë në aktrim saqë është “traumatizuese”
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit