Autoritetet greke kanë njoftuar se do të heqin kufizimet në udhëtimet mes rajoneve. Gjithashtu do të shfuqizojnë dhe metodën e aplikimit online për të dalë nga shtëpia.
Këtë e ka konfirmuar zëvendësministri grek, Akis Skertsos, të mërkurën e 12 majit, gjatë një konference për pandeminë.
Për ata që duan të udhëtojnë në ishujt grekë, përveçse në ishujt Evia dhe Lefkada, me traget apo aeroplan, do të duhet të sigurojnë një certifikatë vaksinimi, testin PCR- negativ, testimin e shpejtë, ose vetëtestimin. Kjo është e nevojshme 72 ose 24 orë para udhëtimit.
Kompanitë ajrore dhe tragetet do të jenë përgjegjëse për të kontrolluar pasagjerët, nëse janë të pajisur me dokumentacionin e kërkuar, para se të hipin në traget apo aeroplan. Masat do të zbatohen për të gjithë udhëtarët vendas dhe të huaj të moshës mbi 5 vjeç.
Skertsos tha se, ora policore do të shtyhet deri në gjysmën e mesnatës, nga 14 maj.
Në pakicë, dyqanet do të rifillojnë funksionimin normal, duke shfuqizuar sistemet e klikimit dhe mbledhjes në dyqan, duke ruajtur vetëm distancat shoqërore dhe rregullat e sigurisë shëndetësore.
Grumbullimet e grupeve muzikore nuk do të lejohen ende në kafene dhe restorante gjatë muajit maj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mickoski takon liderët e “VLEN”: Ramë dakord për parimet e përgjithshme të qeverisjes
-
Ahmeti porosi “VLEN”-it: Mos e harroni nënshkrimin e marrëveshjes për ndryshimet kushtetuese
-
Vuçeviç: Mali i Zi s’po vepron si një shtet mik
-
Ahmeti: Nuk ndjehem mirë kur shoh që Amerika e Evropa kanë vendosur sanksione ndaj Kosovës
Lajmet kryesore
-
Rama në Athinë, Mitsotakis: Greqia nuk ndalon një lider të huaj të takojë bashkëatdhetarët e tij, koha nuk është e duhura
-
Tirana drejt binjakëzimit me Venezia-n
-
Ndërsa Izraeli shton sulmet, 300 mijë palestinezë largohen nga Rafah
-
“Kandidimi i Hamzës nga PDK-ja për kryeministër e ka befasuar për të keq Kurtin”
