Për të siguruar një fond prej 75 milionë dollarësh në ndihmë të ndërmarrjeve të vogla dhe të mesme që vuajnë nga ndikimi i pandemisë, Google-i po bashkohet me Fondin Evropian të Investimeve (EIF) dhe dy organizata të tjera në Amerikën Latine dhe Azi.
Agjensia e lajmeve, Reuters, bën me dije se fondet janë pjesë e një iniciative prej 800 milionë dollarësh të cilat janë shpallur në nisje të pandemisë në muajin mars të vitit të kaluar.
Lidhur me ndihmesën, Google-i ka deklaruar se do të investojë në dy prej fondeve të EIF-it. 15 milionë dollarë në kapital kredie do të shkojnë për një mijë biznese të vogla evropiane, ndërsa 10 milionë dollarë do të shkojnë në fondin e kapitalit sipërmarrës të EIF-it duke mbështetur 200 kompani të industrisë bioteknologjike.
Reuters shkruan se për sa i përket Amerikës Latine, Google-i do të punojë me Bankën Ndër-Amerikane të Zhvillimit duke kryer shpërndarjen e tetë milionë dollarëve për kompanitë e vogla.
Kompanitë indiane do të marrin 15 milionë dollarë prej fondeve, kurse 26 milionë dollarë fond kredie do të shkojnë në ndihmë të bizneseve në Afrikë, në Lindjen e Mesme dhe Indonezi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog