![](https://albanianpost.com/wp-content/uploads/2024/05/g.jpg)
Ministrja e Punëve të Jashtme të Kosovës, Donika Gërvalla, të shtunën ka njoftuar se ka takuar Ndihmës Sekretarin e Shtetit për çështjet Evropiane dhe Euroaziatike, James O’Brien, gjatë vizitës së saj zyrtare në Shtetet e Bashkuara të Amerikës.
Nëpërmjet një postimi në platformën sociale, Facebook, kryediplomatja ka njoftuar se në takim ndër të tjera është diskutuar edhe “jetësimi i aspiratave për anëtarësimin e Kosovës në organizatat ndërkombëtare”.
“Në frymën e marrëdhënieve të posaçme ndërmjet dy shteteve gjatë takimit janë trajtuar aspekte të shumta të thellimit të bashkëpunimit dypalësh, forcimit të sundimit të ligjit e demokracisë”, ka thënë Gërvalla.
Gjithashtu Gërvalla ka potencuar se gjatë takimit me top-diplomatin amerikan janë diskutuar edhe zhvillimet të tjera aktuale në vend.
“Duke vënë theksin në përkushtimin e institucioneve në ruajtjen e paqes dhe stabilitetit në vend dhe rajon si dhe zmbrapsjen e kërcënimeve të sigurisë”, ka shtuar Gërvalla.
Ndryshe Gërvalla në një intervistë për Zërin e Amerikës, deklaroi se Qeveria e Kosovës s’do të zbatojë draft-statutin e Bashkimit Evropian për themelimin e Asociacionit të Komunave me Shumicë Serbe, nëse Serbia nuk zbaton detyrimet që i rrjedhin nga Marrëveshja Bazë.
“Ne nuk do ta zbatojmë atë draft i cili është në kuadër të procesit të Brukselit, pa u zotuar Serbia që edhe ajo të zbatojë pjesën e saj të punës. Prandaj duhet t’i ndajmë gjërat – ose po e trajtojmë Asociacionin në Bruksel ose po e trajtojmë në Kosovë, por dy proceset nuk mund t’i lidhim bashkë”, deklaroi ajo.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gërvalla, presidentit të Komitetit të Ministrave të KiE-së: I kemi plotësuar të gjitha kushtet për anëtarësim
-
LDK: Edhe një vendim anti-kushtetues i Qeverisë
-
Partitë kryesore spanjolle kundërshtojnë njohjen e pavarësisë së Kosovës
-
Qeveria: Raportin për Banjën e kemi dorëzuar në BE qysh në vitin e kaluar
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
SHBA, 150 milionë dollarë ndihmë të re ushtarake për Ukrainën
-
Gërvalla, presidentit të Komitetit të Ministrave të KiE-së: I kemi plotësuar të gjitha kushtet për anëtarësim