Ushtria në Sri Lanka ka marrë kontrollin e sekretariatit presidencial në kryeqytet pasi “sulmoi brutalisht” protestuesit.
Ushtarët bastisën kampin kryesor të protestës antiqeveritare në kryeqytet herët të premten, duke arrestuar protestues dhe duke çmontuar tendat.
Qindra trupa dhe komando policie lëvizën mbi protestuesit jashtë zyrave presidenciale në Colombo, disa orë përpara se ata të largoheshin nga zona.
Një gazetar i BBC-së u rrah nga ushtria dhe një ushtar i rrëmbeu telefonin dhe i fshiu videot.
Nëntë vetë, duke përfshirë dy që janë të plagosur, janë arrestuar nga policia.
Kjo vjen pasi Ranil Wickremesinghe u betua si president, pasi ish-presidenti Gotabaya Rajapaksa u largua nga vendi javën e kaluar.
Wickremesinghe, ish-kryeministri, shihet si thellësisht jopopullor me publikun dhe është zotuar për veprime të ashpra kundër demonstruesve.
Sri Lanka ka parë muaj trazirash masive për shkak të një krize ekonomike dhe shumë fajësojnë ish-qeverinë për keqpërdorimin e financave të vendit.
Protestat kishin mbetur paqësore pasi Wickremesinghe ishte betuar në detyrë të enjten. Pavarësisht mosbesimit të thellë, shumë demonstrues kishin thënë se do t’i jepnin atij një shans për ta nxjerrë vendin nga kriza e tij ekonomike.
Në fjalët pas inaugurimit të tij, ai tha se çdo përpjekje për të rrëzuar qeverinë ose për të pushtuar ndërtesat qeveritare nuk ishte ” demokraci, është kundër ligjit”.
Të premten në mëngjes, forcat e sigurisë hynë në kampin e protestës dhe ia morën ndërtesën demonstruesve, të cilët më parë ishin zotuar të kthenin ndërtesën.
Policia e përshkroi incidentin si një “operacion special për të rikthyer kontrollin e sekretariatit presidencial”.
Kur u pyet për sulmin ndaj gazetarit të BBC, një zëdhënës i policisë tha se nuk ishte në dijeni të incidentit.
Bastisja u zhvillua në orët e para të së premtes, rreth orës 01:00 me orën lokale. Forcat e sigurisë më vonë mbyllën plotësisht një pjesë të rrugës që të çon në vend.
Marrë nga BBC, përshtatur për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Giorgia Meloni do të kandidojë në zgjedhjet e BE-së
-
Mbreti Charles bën daljen e parë publike që nga diagnostikimi me kancer
-
Vrasja e Aureljo Dervishit në Tiranë, Gjykata lë në burg 4 të arrestuarit
-
Përjashtim nga seancat dhe komisionet, ulje të pagës për 50 për qind – miratohet Kodi i Sjelljes për deputetët
Lajmet kryesore
-
Hasani thotë se Shqipëria pret dritën jeshile nga BE për Konferencën e Dytë Ndërqeveritare
-
Gjykata rrëzon kërkesën e Bardhit për të çregjistruar Bashën si kryetar i PD-së
-
Orë vendimtare për armëpushimin dhe pengjet, gjithçka varet nga Hamasi
-
Kurti në BBC: Kosova s’e lejon dinarin e Millosheviçit – Serbia deshi të provokojë luftë në Banjë
