Escobar i prerë: Kosova ka garancinë e SHBA-ve, trupat serbe nuk kthehen në Kosovë

Emisari special i Shteteve të Bashkuara të Amerikës për Ballkanin Perëndimor, Gabriel Escobar, në një intervistë për Radio Evropa e Lirë, ka thënë se Kosova ka garanci shumë të forta sigurie nga SHBA-të.

Duke komentuar pretendimet e Presidentit të Serbisë, Aleksandër Vuçiç, për kthimin e personelit serb në Kosovë sipas Rezolutës 12/44 të Këshillit të Sigurimit të Kombeve të Bashkuara, Escobar theksoi një gjë të tillë SHBA-të e kundërshtojnë në çdo rrethanë.

“Ne e kundërshtojmë këtë kategorikisht, e hedhim poshtë kategorikisht. Nuk e mbështesim këtë fare. Unë gjithashtu dua të them se Kosova ka garanci shumë të forta sigurie nga Shtetet e Bashkuara të Amerikës”.

Ndërkaq, i pyetur se si do veprohet nëse ndodhë një gjë e tillë, ai shpjegoi qartë qëndrimin e SHBA-ve karshi pretendimeve të tilla: “E para, këtë nuk e pres”.

“E dyta, po e përsëris, Kosova ka garanci të forta sigurie nga SHBA-ja, të manifestuara përmes pjesëmarrjes së saj në KFOR”, shtoi ai.

Ndryshe, Escobar dhe Miroslav Lajçak, emisari special i BE-së për dialogun Kosovë-Serbi, sot nga ora 17:30 do të priten në një takim nga kryeministri Albin Kurti për të folur mbi situatën aktuale në pjesën veriore të Kosovës dhe dialogun me Serbinë.

Vizita e tyre vjen në kohën kur situata në veri të Kosovës – zonë e banuar me shumicë serbe – është e tensionuar.

Gjashtë barrikadat e ngritura më më 10 dhjetor, bllokuan rrugët që çojnë drejt pikave kufitare me Serbinë, Jarinjë dhe Bërnjak.

Çfarë ndodhi në vitin 2003, kur Gjingjiç kërkoi nga NATO kthimin e ushtarëve serbë në Kosovë

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.