Mesfushorit me origjinë shqiptare, Enis Bardhi, i është shqiptuar dënimi me katër muaj burg dhe një gjobë prej 1 mijë e 920 euro për shkak të vozitjes me leje të falsifikuar në Valencia.
Sipas gjyqit, Bardhi u ndalua nga policia lokale më 5 prill 2021, në orën 12:30 – shumë afër stadiumit të Levante-s.
Agjentët verifikuan që mesfushori i Maqedonisë së Veriut po voziste edhe pse asnjëherë nuk kishte marrë patentë shofer.
Madje, shtuar kësaj, ai i tregoi policëve një patentë shoferi të Maqedonisë me emrin e tij, që ishte tërësisht fals.
Fillimisht, prokurori i dha Bardhit një dënim prej gjashtë muajve në burg dhe 12 muaj shërbim social.
Por në fund u vendos që ai të dënohej vetëm katër muaj, dhe të merrte dënim me para që zgjaste tetë muaj – pra Bardhi duhet të paguajë tetë euro çdo ditë për tetë muaj me radhë.
Bardhi e pranoi fajin në gjykatë, kështu që vendimi për të, që është përfundimtar, është vendosur që të shtyhet për dy vite nga gjykata e Valencia-s.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit
