Me Raphael Varane, që është shumë afër largimit nga klubi madrilen dhe të ardhmen e Ramos që është ende në “ajër”, kërkimi për një mbrojtës është i domosdoshëm për Los Blancos.
Kështu madrilenët kanë filluar kërkimin.
Emri i parë në listë është Jules Kounde i Sevilla-s.
Foot Mercato, e përditshmja franceze, raporton që klubi madrilen ka hapur bisedimet me Sevilla-n për transferimin e tij.
Madje, ky transferim pritet të jetë më i lehtë nga sa mendohet, me andaluzianët që janë pajtuar me faktin se Kounde do të largohet.
Transferimi i Jules Kounde pritet t’i kushtojë Real Madrid-it 50 milionë euro.
Këto shifra madrilenët shpresojnë t’i nxjerrin nga largimi i Varane-s, që pritet të jetë thjesht çështje kohe.
Nëse Ramos vendos të largohet, Real Madrid-i do të kërkojë edhe për një tjetër qendërmbrojtës.
Ai është lojtari kyç i Villarreal-it, Pau Torres.
Militao, Nacho, Kounde dhe Torres pritet të jenë opsionet e Real Madrid-it për mbrojtjen vitin tjetër, me mbretërorët që duket se po i drejtohen një revolucioni.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit
