“Tritoli nuk mund ta ndalë përpjekjen tonë”.
Është ky reagimi i Sindikatës së Minatorëve të Bashkuar të Bulqizës, ndaj aktit të vënies së eksplozivit në makinën e ish-kandidatit të pavarur për deputet, Elton Debreshi.
Makina e këtij të fundit është hedhur në ajër me eksploziv mëngjesin e 27 gushtit.
“Që prej themelimit të sindikatës sonë, ndaj Eltonit dhe shokëve të tjerë ka pasur shpesh përndjekje e kërcënime”, shkruhet në postimin e sindikatës në Facebook. “Sot arritën te tritoli”.
Sipas tyre, mafiozët, oligarkët dhe pushtetarët që marrin kromin e Bulqizës, duan t’u marrin edhe jetën punëtorëve që thonë të vërtetën dhe mbrojnë të drejtat e tyre.
Thirrja e tyre, pavarësisht akteve të pretenduara, mbetet e fortë.
“Ne nuk heshtim. Ne nuk ndalemi”.
Kështu përmbyllet postimi.
Ngjarja
Pas mesnate, të premten e 27 gushtit, policia e Dibrës ka njoftuar se i është vendour lëndë plasëse automjetit në pronësi të shtetasit Elton Debreshi.
Lënda plasëse ishte vendosur në pjesën e përparme të mjetit, ku për pasojë ka pasur vetëm dëme materiale.
Debreshi ishte kandidat i pavarur, në Qarkun e Dibrës, në zgjedhjet parlamentare të 25 prillit.
Nga shërbimet e Policisë janë shoqëruar në Komisariat disa persona. Ata dyshohet se mund të kenë dijeni për rrethanat e ngjarjes.
Grupi hetimor, nën drejtimin e Prokurorisë Dibër, po vijon punën për zbardhjen e ngjarjes dhe kapjen e autorëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mazhoranca bojkotoi Komisionin e Shëndetësisë, Vokshi: Akt i rëndë ndaj parlamentarizmit
-
Vrasja e Aureljo Dervishit në Tiranë, Gjykata lë në burg 4 të arrestuarit
-
Hasani thotë se Shqipëria pret dritën jeshile nga BE për Konferencën e Dytë Ndërqeveritare
-
Gjykata rrëzon kërkesën e Bardhit për të çregjistruar Bashën si kryetar i PD-së
Lajmet kryesore
-
Hasani thotë se Shqipëria pret dritën jeshile nga BE për Konferencën e Dytë Ndërqeveritare
-
Gjykata rrëzon kërkesën e Bardhit për të çregjistruar Bashën si kryetar i PD-së
-
Orë vendimtare për armëpushimin dhe pengjet, gjithçka varet nga Hamasi
-
Kurti në BBC: Kosova s’e lejon dinarin e Millosheviçit – Serbia deshi të provokojë luftë në Banjë