Zyrtarët amerikanë dhe evropianë besojnë se oficerët e inteligjencës ushtarake ruse drejtuan bashkëpunëtorët e një grupi militant supremacist të bardhë me bazë në Rusi.
Kjo për të kryer një fushatë, e cila kërcënoi me zarfe bombë kryeministrin, ministrat dhe shumë diplomatë të huaj në Spanjë.
Hetuesit spanjollë dhe të huaj kanë gërmuar se kush i dërgoi gjashtë letrat bombë në fund të nëntorit dhe në fillim të dhjetorit në Madrid, duke përfshirë rezidencën zyrtare të kryeministrit Pedro Sanchez, ambasadat amerikane dhe ukrainase, dhe Ministrinë e Mbrojtjes.
Askush nuk u vra në sulmet, të cilat zyrtarët amerikanë i konsiderojnë si terrorizëm.
Një punonjës i Ambasadës së Ukrainës u plagos kur njëra nga pakot shpërtheu.
Hetuesit në javët e fundit janë fokusuar në “Lëvizjen Perandorake Ruse”, një grup radikal që ka anëtarë dhe bashkëpunëtorë në të gjithë Evropën dhe qendra trajnimi të stilit ushtarak në Shën Petersburg.
Zyrtarët amerikanë thonë se oficerët rusë që drejtuan fushatën dukeshin se synonin t’i mbanin qeveritë evropiane të pasigurta dhe mund të testonin grupe përfaqësuese në rast se Moska vendos të përshkallëzojë një konflikt.
Qëllimi i dukshëm i aksionit ishte të sinjalizonte se Rusia dhe përfaqësuesit e saj mund të kryenin sulme terroriste në të gjithë Evropën, duke përfshirë kryeqytetet e shteteve anëtare të Organizatës së Traktatit të Atlantikut të Veriut, e cila po ndihmon në mbrojtjen e Ukrainës kundër pushtimit të Rusisë.
Nuk ka shenja se Moska është e gatshme të përfshihet në sulme të fshehta ose sabotazhe të përhapura në Evropë, për të cilat zyrtarët rusë besojnë se mund të provokojnë një përgjigje nga NATO dhe, potencialisht, një konflikt më të gjerë të kushtueshëm, sipas zyrtarëve të SHBA dhe aleatëve.
Për të njëjtën arsye, Presidenti Vladimir V. Putin i Rusisë dhe gjeneralët e tij nuk kanë urdhëruar një sulm konvencional ndaj një vendi të NATO-s.
Llogaritja e Putin për sulmet terroriste mund të ndryshojë nëse Rusia vazhdon të pësojë pengesa të mëdha në Ukrainë.
Putin i ka dhënë agjencisë së tij të inteligjencës ushtarake liri të gjerë për të zhvilluar dhe kryer operacione të fshehta në Evropë, por shkalla në të cilën Kremlini ishte përfshirë në operacionin e bombës me letra është e paqartë.
Presidenti, ministrja, baza e NATO-s dhe ambasada amerikane në Spanjë – pre e ‘pakove shpërthyese’
Marrë nga “New York Times”, përshtatur për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Axhançiç: Shumë politikanë serbë në Kosovë takohen fshehurazi me Kurtin, unë s’fshihem
-
BE në rrezik të ‘shpërthimit’, pasi e djathta ekstreme kërkon ‘kokat e turkut’
-
Macron i kënaqur me reagimin e Kremlinit ndaj komenteve të tija: Ankthi rus tregon se kemi të drejtë
-
“Do të doja që këtë festë të isha me serbët”, Petkoviç-it i ndalohet hyrja në Kosovë
Lajmet kryesore
-
Rusia po komploton sabotim në të gjithë Evropën, paralajmërojnë agjencitë e inteligjencës
-
Për britaniken Express, Dhërmiu është destinacioni më i bukur evropian për pushimet 2024
-
BE në rrezik të ‘shpërthimit’, pasi e djathta ekstreme kërkon ‘kokat e turkut’
-
Gutierres, deputetit Basha: Ndaloni së frikësuari gazetarët, boll më