Dy vitet pas largimit të Allegri-t nga Juventus-i, ishin dy nga më të errëtat në karrierën e argjentinasit Paulo Dybala.
Në fundin e sezonit të kaluar, Dybala u lidh me një largim të mundshëm nga zonja e vjetër.
Pamundësia për të performuar në nivelin më të lartë të lojës së tij, e shtyu Dybala-n që të mendoj për largimin e tij.
Mirëpo, fillimi i kësaj merkato verore ndryshoi gjithçka.
Pas largimit të Pirlo-s, në stolin e Juventus-it erdhi përsëri Massimiliano Allegri, trajneri i cili di të nxjerrë më të mirën e aftësive të Dybala-s.
Kjo u vu re edhe në përgatitjet parasezonale, me argjentinasin që u paraqit shumë mirë.
Sezonin ai e nisi me gol, në fushën e Udinese-s, duke qenë protagonist edhe në golin e dytë, si asistues i Cuadrado-s.
Siç raporton gazetari i besueshëm italian, Fabrizio Romano, çështja e rinovimit është thjesht bisedë ditësh.
Agjenti i Dybala-s, Jorge Antun po punon së bashku me drejtuesit e Juventus-it, që të rinovojë kontratën e tij.
Dybala pritet që të zgjasë kontratën me zonjën e vjetër deri në vitin 2026.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
