Dua Lipa kalon plot 24 orë në Singapor për të marrë pjesë në evenimentin e markës së veturave Porsche

Ylli britaniko-shqiptar i popit Dua Lipa së fundmi ishte brenda dhe jashtë Singaporit në 24 orë për një ngjarje që ishte pjesë e një konference globale të tregtarëve të markës së veturave Porsche.

28-vjeçja ndau fotografi të vizitës së saj të stuhishme në llogaritë e saj në mediat sociale, me mbishkrimin: “Sa argëtuese të kthehem me familjen time Porsche për 24 orë në Singapor”.

Një entuziaste e makinave sportive, Lipa u bashkua me prodhuesin ikonë gjermane të automobilave për të qenë ambasadorja e saj globale në nëntor të vitit 2023.

Përpara Porsche, ajo ishte fytyra e Jaguar që nga viti 2018, pasi mori lejen e drejtimit atë vit.

Ylli i hitit “Dance The Night” postoi disa foto të saj në Singapor me Marina Bay Sands në sfond.

Fotot e tjera përfshinin një ftesë për ngjarjen e Porsche që u mbajt në Marina Bay Sands Event Plaza dhe një foto në grup me disa interpretues.

Sipas videove dhe fotove të tjera të shpërndara në internet, fituesija e “Grammy-t” bëri edhe selfie me të ftuarit në evenimentin e Porsche.

Albumi i saj i tretë në studio, “Radical Optimism”, do të dalë më 3 maj dhe vjen katër vjet pasi ajo publikoi “Future Nostalgia” (2020).

“Future Nostalgia”, i cili u publikua në mars të vitit 2020, bëri jehonë të gjerë me dëgjuesit që kërkonin të shpëtonin nga errësira e karantinës dhe këngët si “Levitating” dhe “Don’t Start Now” u ngritën në top lista.

Në anën tjetër, Lipa ka shpalosur detaje nga më të ndryshmet rreth albumit të ri, derisa iu përgjigj pyetjeve të Variety më një sallë konferencash në një hotel të Hollywood-it Perëndimor.

“Ishte një album që unë parashikova të dilte në një kohë kur njerëzit mund të kishin dalë dhe të kërcenin dhe në klube dhe të shijonin një mbrëmje diskoje në atë mënyrë. Dhe ishte pikërisht e kundërta kësaj radhe”, tha Lipa.

Pse Dua Lipa e sfidoi veten për të shkruar këngë pozitive në albumin e ri “Radical Optimism”?

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.